نیویارک :وزیر خارجہ ڈاکٹر ایس جے شنکر نے نیو یارک میں اقوام متحدہ میں ہندوستان کے مستقل نمائندے جناب ٹی ایس تِری مورتی اور اقوام متحدہ میں ہندوستان کی ٹیم کے ساتھ حکمت عملی پر ایک مفید میٹنگ کی۔ ڈاکٹر جے شنکر امریکہ کے پانچ روزہ دورے پر ہیں۔ ایک ٹوئیٹ میں انہوں نے اِس اعتماد کا اظہار کیا ہے کہ ہندوستان اپنے وقت کے بڑے مباحثوں پر اثرانداز ہوتا رہے گا۔ ڈاکٹر جے شنکر امریکہ کے پانچ روزہ دورے پر اتوار کے روز نیویارک پہنچ گئے ہیں۔
امید ہے کہ وہ اقوام متحدہ کے سکریٹری جنرل انتونیو گتریس سے بھی ملاقات کریں گے۔ واشنگٹن ڈی سی میں وزیر خارجہ اپنے امریکی ہم منصب انٹونی بلنکن کے ساتھ تبادلہ خیال کریں گے۔ وہ کابینی ارکان اور انتظامیہ کے سینئر عہدیداروں کے ساتھ ملاقات بھی کریں گے۔ ڈاکٹر جے شنکر معاشی امور پر بزنس فورموں کے ساتھ اور کووڈ اُنیس سے متعلق تعاون پر میٹنگ میں شرکت کریں گے۔
ہندوستان میں کورونا وبائی امراض کی دوسری لہر کے بعد ہلکی سی نرمی آنے کے بعد ہندوستان نے بین الاقوامی سطح پر کووڈویکسین کی کمی کو دور کرنے کے لئے کوششیں تیز کردی ہیں۔ وزیر خارجہ ایس کے جے شنکر وفد کے ہمراہ پانچ روزہ امریکی دورے پر ہیں۔
وہ سرکاری دورے پر امریکہ آمد کے ساتھ ہی ، دونوں ممالک اسٹریٹجک اور معاشی طاقت پر بات کریں گے اور ملک میں کوویڈ ویکسین کی زیادہ سے زیادہ فراہمی اور ہندوستان میں اس سے وابستہ دوا ساز کمپنیوں کو مدعو کریں گے ، تاکہ اس سے ملک کو کووڈ کی مزید ویکسین مل سکے۔
وزیر خارجہ جے شنکر سے اقوام متحدہ کے سکریٹری جنرل انتونیو گٹریس کے ساتھ امریکی وزیر خارجہ انٹونی بلنکن بھی ملیں گے ۔جے شنکر جو بائیڈن کی کابینہ کے ممبروں سے دوطرفہ امور پر بات چیت کے ساتھ ہی ہندوستان اور امریکہ کے مابین کوویڈ سے متعلق تعاون پربھی تبادلہ خیال کریں گے۔
