نئی دہلی: روس میں قومی سلامتی کے مشیر اجیت ڈوبھال نے روس یوکرین جنگ کے درمیان جمعرات کو روسی صدر ولادیمیر پوٹن سے ملاقات کی۔ روس میں ہندوستانی سفارت خانے نے اس بارے میں یہ جانکاری دی ہے۔ بتادیں کہ اجیت ڈوبھال افغانستان پر کثیر جہتی سلامتی کے اجلاس میں شرکت کے لیے ماسکو پہنچے ہیں۔

🇮🇳 NSA Ajit Doval called on HE President Putin. Wide-ranging discussion on bilateral and regional issues. Agreed to continue work towards implementing the India-Russia strategic partnership. pic.twitter.com/SMHe6VI9ve

— India in Russia (@IndEmbMoscow) February 9, 2023

این ایس اے اجیت ڈوبھال نے جمعرات کو روسی صدر ولادیمیر پوتن سے ملاقات کی۔ روس میں ہندوستانی سفارت خانے کی جانب سے ایک ٹویٹ میں بتایا گیا کہ این ایس اے نے صدر پوتن کے ساتھ ملاقات کے دوران دو طرفہ اور علاقائی مسائل پر جامع بات چیت کی۔ ہندوستان-روس اسٹریٹجک پارٹنرشپ کے نفاذ کی سمت کام جاری رکھنے پر بھی اتفاق کیا گیا۔

اہم بات یہ ہے کہ ہندوستان کے قومی سلامتی کے مشیر بدھ کو اپنے دو روزہ سرکاری دورے پر روس پہنچ گئے ہیں۔ دنیا بھر کے ممالک اس اجلاس پر نظر رکھے ہوئے ہیں۔ کیونکہ روس اور یوکرین کی جنگ کافی عرصے سے جاری ہے۔ ایسے میں اس ملاقات کو بہت اہم سمجھا جا رہا ہے۔