ایونٹ کا آغاز 12 جون 2026 سے ہو گا، جس میں درج ذیل 7 میدان میچز کی میزبانی کریں گے:
لارڈز (فائنل کی میزبانی)
اولڈ ٹریفرڈ
ہیڈنگلے
ایجبسٹن
ہیمپشائر باؤل
دی اوول
برسٹل کاؤنٹی گراؤنڈ
مجموعی طور پر 33 میچز 24 دنوں پر محیط ہوں گے۔
بڑھتا قدم: خواتین کی کرکٹ کو مرکزی دھارے میں لانے کا عزم
ایونٹ کا باضابطہ افتتاح 1 مئی 2025 کو لارڈز میں ایک خصوصی تقریب کے دوران کیا گیا، جہاں کھیل، تفریح اور سماجی تبدیلی کی نمائندہ خواتین موجود تھیں۔ اس موقع پر نوبل انعام یافتہ ملالہ یوسفزئی، انگلینڈ کی اسٹار کرکٹرز شارلٹ ایڈورڈز، ٹیمی بیومونٹ، اور امریکی اداکارہ و گلوکارہ وینیسا ولیمز نے شرکت کی۔
خواتین کا غلبہ، تاریخ میں نئی لکیر
لارڈز کے لانگ روم میں منعقدہ تقریب، جہاں 1999 تک خواتین کا داخلہ ممنوع تھا، اب مکمل طور پر خواتین کی آوازوں اور قیادت سے گونج رہا تھا۔
ٹورنامنٹ کی شریک ڈائریکٹر بتھ بیرٹ وائلڈ نے کہا:
یہ صرف ایک اور ٹورنامنٹ نہیں بلکہ ایک تحریک ہے — خواتین کی کرکٹ کو دنیا کے مرکز میں لانے کی۔ٹیمیں، گروپس اور کوالیفائرز
اب تک 8 ٹیمیں ایونٹ میں جگہ بنا چکی ہیں، جب کہ باقی 4 ٹیموں کا انتخاب ویمنز ٹی ٹوئنٹی ورلڈ کپ کوالیفائر 2025 کے ذریعے کیا جائے گا۔ ٹیموں کو دو گروپوں میں تقسیم کیا جائے گا اور پھر ناک آؤٹ مرحلہ ہو گا۔
کھیل سے بڑھ کر ایک پیغام
انگلینڈ اینڈ ویلز کرکٹ بورڈ اس ایونٹ کو صرف کرکٹ مقابلہ نہیں بلکہ خواتین کی شمولیت، قیادت، اور برابری کا علمبردار بنا رہا ہے۔یہ ورلڈ کپ خواتین کی کرکٹ کو عالمی منظر نامے پر نئے مقام تک لے جانے کی ایک سنجیدہ کوشش ہے۔
