ورلڈ کپ 2023میں پاکستان کے کپتان  بابر اعظم ان تاثرات کا اظہار کیا،وہ ہندوستان میں مہمان نوازی سے بہت خوش نظر آئے،پاکستانی ٹیم نے دورہ ہند کا آغاز حیدر آباد کی سرزمین پر قدم رکھ کر کیا تھا۔ جہاں ٹیم پریکٹس میں مصروف ہے ۔بابر اعظم  نے آئی سی سی کرکٹ ورلڈ کپ کے آغاز سے ایک دن پہلے احمدآباد میں ہونے والی تقریب ’کیپٹنز ڈے‘ میں شرکت کی ۔اس تقریب میں بابر اعظم سمیت ورلڈ کپ میں شریک تمام ٹیموں کے کپتان بھی موجود تھے۔ اس پروگرام کے لیے بابر اعظم حیدرآباد سے بذریعہ چارٹرڈ جہاز احمدآباد آئے تھے۔

اس موقع پر بابر اعظم نے مزید کہا کہ ’ایسا کوئی دباؤ نہیں ہے کیونکہ کنڈیشنز پاکستان اور ایشیا جیسی ہیں۔ ہم یہاں ایک ہفتے سے ہیں، ہم نے پریکٹس میچ کھیلے ہیں۔ یہاں کوئی فرق نہیں ہے، باؤنڈریز یہاں چھوٹی ہیں اور بالروں کے لیے غلطی کی کوئی گنجائش نہیں ہے۔

پاکستانی کپتان نے مزید کہا کہ ’ہماری اصلی طاقت بالنگ ہوگی۔

اس تقریب میں دلچسپ صورتحال تب پیدا ہوئی جب بابر اعظم سے میزبان روی شاستری نے حیدرآبادی بریانی کے بارے میں پوچھا تو اٗس کے جواب میں بابر نے مزاحیہ انداز میں کہا کہ ’100 باری (یعنی 100 مرتبہ) بتا چکے ہیں۔ کافی اچھی رہی، کیونکہ حیدرآباد کا یہ ہی سنا تھا کہ حیدرآباد کی بریانی اچھی ہے تو کھا کھا کر بریانی اچھا رہا

 

بابر اعظم نے اس تقریب میں کہا کہ ’ہمیں یہاں بہترین مہمان نوازی کے ساتھ خوش آمدید کہا گیا۔ اتنی مہمان نوازی کی توقع نہیں تھی۔

ہم حیدرآباد میں ایک ہفتے کے لیے ہیں لیکن ہمیں ایسا نہیں محسوس ہو رہا کہ ہم ہندوستان میں ہیں۔ ہمیں ایسا محسوس ہو رہا ہے کہ ہم اپنے ملک میں ہیں۔‘

یاد رہے کہ 14 اکتوبر کو احمدآباد میں شیڈول پاکستان اور ہندوستان کے میچ کے بارے میں بابر اعظم نے کہا کہ ’ہم اس میچ کے لیے بہت پرجوش ہیں۔ 14 سے پہلے ہمارے دو میچ ہیں اور ہم ہر میچ کی الگ حکمت عملی بنا رہے ہیں۔ ہندوستان پاکستان ایک بڑا میچ ہوتا ہے اور ہر کسی کو اس میچ کا انتظار ہوتا ہے

اس کے علاوہ تقریب میں شریک انڈین کرکٹ ٹیم کے کپتان روہت شرما نے کہا کہ ’ہم اس ورلڈ کپ کو جیتنے کے لیے ہر ممکن کوشش کریں گے۔ ہم اس بات پر خوش ہیں کہ ورلڈ کپ سے قبل کچھ دن آرام کے مل گئے۔ ہم ویسے مکمل طور پر ورلڈ کپ کے لیے تیار ہیں۔

روہت شرما مزید کہتے ہیں کہ ’بچپن سے ہی میرا ورلڈ کپ میں کھیلنے کا خواب تھا

 دوسری جانب اس تقریب میں شرکت کے لیے بابر اعظم کو حیدرآباد دکن سے خصوصی طیارے کے ذریعے احمدآباد لایا گیا تھا جہاں اُن کی ملاقات روہت شرما سے بھی ہوئی۔

خیال رہے پاکستانی ٹیم ورلڈ کپ میں اپنے باقاعدہ سفر کا آغاز 6 اکتوبر کو حیدرآباد میں نیدرلینڈز کے خلاف میچ سے کرے گی۔