کراچی : ایشیا کپ کی شکست اور اخراج کا غم بھلا رہے پاکستانی کرکٹ مداحوں کو ایک اچھی خبر ملی مگر یہ خبر کھیل کے میدان سے نہیں تھی بلکہ شادی گھر سے آئی تھی ۔جہاں  lپاکستان کرکٹ ٹیم کے فاسٹ بالر شاہین شاہ آفریدی کی شادی پاکستانی ٹیم کے سابق کپتان اور سٹار کرکٹر شاہد آفریدی کی صاحبزادی سے ہوئی۔ جس کی تقریب گذشتہ رات (منگل) منعقد ہوئی۔

کہتے ہیں کہ بہت کم رشتے ایسے ہوتے ہیں جن میں  سسر اپنے داماد سے زیادہ وجہہ ہو۔ شاہد آفریدی نے اپنی بیٹی کی شادی کے موقعے پر سوشل میڈیا پر کچھ تصاویر شیئر کرتے ہوئے اپنے جذبات چند اشعار کے ذریعے لوگوں تک پہنچائے۔

اس پیغام نے صارفین کو جہاں خوش کیا وہیں جذباتی بھی کیا اور انہوں نے اس نئے جوڑے کو ڈھیر ساری دعائیں بھی دیں۔

شاہد آفریدی نے سوشل میڈیا ویب سائٹ ایکس (سابقہ ٹوئٹر) پر لکھا

آیا تھا گھر میں نور ابھی کل کی بات ہے

رخصت بھی ہو رہا ہے وہ آنکھوں کے سامنے

ڈوبا ہوا بھی ہے ترے بابا کا دل مگر

 امید صبح نو اسے آئی ہے تھامنے۔

آیا تھا گھر میں نور ابھی کل کی بات ہے
رخصت بھی ہو رہا ہے وہ آنکھوں کے سامنے

ڈوبا ہوا بھی ہے ترے بابا کا دل مگر
امید صبح نو اسے آئی ہےتھامنے

Anshaheen@❤️ pic.twitter.com/TJRDgn3jIb

— Shahid Afridi (@SAfridiOfficial) September 19, 2023

دلچسپ بات یہ ہے کہ اس محفل میں پاکستان کے کپتان بابر اعظم بھی شامل تھے  جو شاہین آفریدی سے گلے بھی ملے اور ساتھ میں کھانا بھی کھایا۔ جن کے درمیان ایشیا کپ میں بڑی شکست کے بعد ڈریسنگ روم میں جھگڑے کی خبریں آرہی تھیں