دبئی: ایشیا کپ کے چوتھے میچ میں بدھ کو ہانگ کانگ کو ہندوستان کے ہاتھوں 40 رنز سے شکست ہوئی اور ہندوستان ٹورنامنٹ کے سپر فور مرحلے میں داخل ہوگیا۔ لیکن ہار کے باوجود بھی ہانگ کانگ کی ٹیم اور آلراؤنڈر کنچٹ شاہ سوشل میڈیا پر چھائے ہوئے ہیں جس کی وجہ ان کی طرف سے اپنی دوست کو کی جانے والی شادی کی پیشکش ہے۔
ٹوئٹر پر ایشین کرکٹ کونسل کی طرف سے شیئر کی جانے والی ویڈیو میں کنچٹ شاہ کو ہندوستان کے میچ کے بعد گراؤنڈ میں اپنی دوست کو شادی کی پیشکش کرتے ہوئے دیکھا جاسکتا ہے۔
ویڈیو میں ظاہر ہے کہ کنچٹ شاہ دبئی انٹرنیشنل سٹیڈیم کی گیلری میں آئے اور اپنی دوست کے سامنے گھٹنوں کے بل بیٹھ گئے اور ان سے انگریزی میں پوچھا ’کیا تم مجھ سے شادی کروگی؟
ان کے اس سوال کا جواب ان کی دوست نے ہاں میں دیا اور ساتھ یہ بھی کہا کہ ’مجھے نہیں پتہ کہ میں اس پر کیسے برتاؤں کروں؟
چھبیس سالہ کنچٹ شاہ ہانگ کانگ کے لیے 10 ایک روزہ اور 44 ٹی 20 میچز کھیل چکے ہیں۔
She said YES! 😍💍
— AsianCricketCouncil (@ACCMedia1) August 31, 2022
A heartwarming moment where Hong Kong's @shah_kinchit95 proposed to his SO after playing a big match against India 🥰
A huge congratulations to the happy couple. We wish you all the joy and happiness in your new life together ❤️#AsiaCup2022 #GetReadyForEpic pic.twitter.com/CFypYMaPxj
ایشیا کپ کنچٹ شاہ کی ٹیم کی سپر فور مرحلے میں رسائی کی اب بھی امید باقی ہے لیکن انہیں آگے بڑھنے کے لیے جمعے کو اپنا پاکستان کے خلاف میچ جیتنا ہوگا۔
اگر ہانگ کانگ کوئی اپ سیٹ کرنے میں کامیاب ہوجاتا ہے تو پاکستان کی ٹیم ٹورنامنٹ سے باہر ہوجائے گی۔ افغانستان اور انڈیا دونوں سپر فور مرحلے کے لیے کوالیفائی کرچکی ہیں۔
