آواز دی وائس :سن رائزرز حیدرآباد اور پنجاب کنگز کے درمیان حیدرآباد کے راجیو گاندھی انٹرنیشنل اسٹیڈیم میں کھیلا گیا۔ جہاں ابھیشیک شرما  حیدرآباد  کی جانب سے اننگز کا آغاز کرتے ہوئے زبردست فارم میں نظر آئے۔ انہوں نے میچ کے دوران 55 گیندوں کا سامنا کیا۔ اس دوران وہ 256.36 کے اسٹرائیک ریٹ سے ناقابل شکست 141 رنز بنانے میں کامیاب رہے۔ اس دوران ان کے بلے سے 14 چوکے اور 10 شاندار چھکے لگے۔ انہوں نے میچ کے دوران ایک بڑی کامیابی بھی حاصل کی۔ وہ آئی پی ایل کی تاریخ میں سب سے بڑی انفرادی اننگز کھیلنے والے دنیا کے تیسرے کھلاڑی بن گئے ہیں

ابھیشیک نے ڈی ویلیئرز اور ڈی کاک کو پیچھے چھوڑ دیا۔ ابھیشیک شرما نے آئی پی ایل میں سب سے بڑی انفرادی اننگز کھیلنے کے معاملے میں موجودہ جنوبی افریقہ کے وکٹ کیپر بلے باز کوئنٹن ڈی کاک اور سابق کپتان اے بی ڈی ویلیئرز کو پیچھے چھوڑ دیا ہے۔ ڈی کوک نے 2022 میں ایل ایس جی کی نمائندگی کرتے ہوئے کے کے آر کے خلاف ناقابل شکست 140 رنز بنائے۔ 2015 میں آر سی بی کے لیے کھیلتے ہوئے ڈی ویلیئرز نے ایم آئی کے خلاف ناقابل شکست 133 رنز بنائے

کرس گیل پہلی پوزیشن پر براجمان ہیں

ویسٹ انڈیز کے سابق عظیم بلے باز کرس گیل کا نام پہلے نمبر پر آتا ہے۔ کرکٹ کی دنیا میں 'یونیورس باس' کے نام سے جانے جانے والے گیل نے 2013 میں آر سی بی کی نمائندگی کرتے ہوئے پونے واریئرز انڈیا کے خلاف ناقابل شکست 175 رنز بنائے تھے۔ دوسرے نمبر پر نیوزی لینڈ کے سابق کپتان برینڈن میک کولم ہیں۔ جنہوں نے 2008 میں کے کے آر کے لیے کھیلتے ہوئے آر سی بی کے خلاف ناقابل شکست 158 رنز بنائے تھے

 آئی پی ایل کی تاریخ میں سب سے بڑی انفرادی اننگز:

175 ناٹ آؤٹ – کرس گیل (آر سی بی) بمقابلہ پونے واریئرز انڈیا – 2013

158 ناٹ آؤٹ – برینڈن میک کولم (کے کے آر) بمقابلہ رائل چیلنجرز بنگلور – 2008

141 رنز – ابھیشیک شرما (ایس آر ایچ) بمقابلہ پنجاب کنگز – 2025

140 ناٹ آؤٹ – کوئنٹن ڈی کوک (ایل ایس جی) بمقابلہ کولکاتا نائٹ رائیڈرز – 2022

133 ناٹ آؤٹ – اے بی ڈی ویلیئرز (آر سی بی) بمقابلہ ممبئی انڈینز – 2015