سید تالف حیدر 

قُلْ إِنَّمَا حَرَّمَ رَبِّىَ ٱلْفَوَٰحِشَ مَا ظَهَرَ مِنْهَا وَمَا بَطَنَ وَٱلْإِثْمَ وَٱلْبَغْىَ بِغَيْرِ ٱلْحَقِّ وَأَن تُشْرِكُوا۟ بِٱللَّهِ مَا لَمْ يُنَزِّلْ بِهِۦ سُلْطَـٰنًۭا وَأَن تَقُولُوا۟ عَلَى ٱللَّهِ مَا لَا تَعْلَمُونَ(33/7)

کہہ دو  کہ صرف حرام  کیے  ہیں میرے رب نے  بے حیائی  کے کام  خواہ  ظاہر ہوں  ان میں  سے یا پوشیدہ  اور گناہ   کو اور سر کشی  ناحق  طور پر  اور یہ کہ تم  شریک  بناو اللہ  کے ساتھ  اسکو  نہیں  نازل کی اس نے جس کی کوئی سند اور یہ کہ اللہ کے بارے میں ایسی بات جو نہیں تم جانتے۔(33/7)

قرآن نے واضح طور پہ یہ پانچ چیزیں حرام کر دی ہیں جو بقول جاوید احمد غامد بہت صریح  اشارہ ہے کہ ان کے علاوہ کوئی چیز حرام نہیں ۔ اور اس میں ایک پہلو یہ بھی ہے کہ اگر کوئی اللہ کے حرام نہ کیے ہوئے کو حرام قرار دے تو اصل میں یہ عمل خود حرام ٹھہرتا ہے۔ موسیقی جس کا تذکرہ ان پانچ میں شامل نہیں ، لہذا اسے بجنسہ حرام قرار دینا ایک ایسا ہی فعل حرام ہے جیسا کہ بد کاری اور شرک کرنا۔

اس امر میں ہمیں اللہ کی کے اس واضح پیغام کے ساتھ ان باتوں پہ غور کرنا چاہیے کہ جو شئے قرآن کے اصول بنانے والوں کے نزید ک حرام کے درجے میں داخل ہوئی اس کی وجہ کیا ہے۔ کیا فقہا اور علمائے کرام اس امر سے ناواقف ہیں کہ اسلام  میں موسیقی کو ان پانچ حرام  اعمال میں شمار نہیں کیا گیا ہے؟ غالباً یہ کوئی تنگ نظری نہیں بلکہ  اس میں ایک نوع کا دھوکا ہوا ہے۔ یا اسے  کج فہمی بھی کہا جا سکتا ہے۔وہ ا س طرح کہ ایسے  اشعار یا الفاظ جو موسیقی کے ساتھ بیان کیے جاتے ہیں ان میں ایک نوع کا سرور شامل ہوتا ہے۔ جس سرور میں بعض اوقات شرک اور سرکشی ناحق شامل ہو جاتی ہے یا بدکاری اس کا جزو بن جاتی ہے۔ مثلاً اگر آپ غالب کے ایک شعر کی مثال لیں  کہ

نہ تھا کچھ تو خدا تھا کچھ نہ ہوتا تو خدا ہوتا

ڈبویا مجھ کو ہونے نے نہ ہوتا میں تو کیا ہوتا