وزیراعظم نریندر مودی نے آج نوجوانوں سے زور دے کر کہا ہے کہ وہ ہمت اور عزم کے ساتھ ملک کے لئے کام کریں۔ انہوں نے کہا کہ نوجوانوں نے کووڈ19- کے خلاف ملک کی لڑائی میں ایک بڑا رول ادا کیا ہے۔نریندر مودی نے تیزپور یونیورسٹی کے،تقسیم اسناد کے سالانہ جلسے سے ورچوئل طریقے سے خطاب کرتے ہوئے کہا کہ یونیورسٹی کے طلباء، شمال مشرق اور آسام کی بہتری کے لئے کام کریں تاکہ خطہ ترقی کی نئی اونچائیوں تک پہنچے۔انہوں نے کہا کہ بھارت نے، دنیا میں کووڈ19-کی سب سے بڑی ٹیکہ کاری مہم شروع کی ہے۔ انہوں نے یہ بھی کہا کہ ملک میں کووڈ19- کے خلاف لڑائی میں پہلے سے کچھ فیصلے کئے۔وزیراعظم نریندر مودی نے کہا کہ مرکز، شمال مشرقی خطے کی ترقی کا پوری طرح پابند ہے، جہاں نوجوانوں کے لئے بے شمار نئے موقعے موجود ہیں۔آسٹریلیا کے حالیہ دورے کی مثال دیتے ہوئے وزیراعظم نے کہا کہ بھارت کے نوجوانوں نے چیلنجوں کا سامنا کیا ہے۔ انہوں نے کہا کہ اِن نوجوانوں کے جوش و جذبے اور عزم کی وجہ سے بھارت نے بے مثال کامیابیاں حاصل کی ہیں۔ اس موقع پر آسام کے وزیراعلیٰ سربانند سونوال نے کہا کہ آسام سرکار نے اسٹارٹ اپ سے متعلق مختلف اقدامات کئے ہیں۔