غازی آباد:اشوک کشیپ (48) چائے بیچتے تھے۔ یوپی کے غازی آباد میں راولی مارگ پر چنگی نمبر 3 کے قریب ان کی دکان ہے۔ وہ کئی دنوں سے علیل تھے۔ پیر کی صبح ان کا انتقال ہوگیا۔ ان کا کنبہ دکان کے قریب ہی رہتا ہے۔

ایک بیٹاانشول کشیپ اور ایک بیوی ہے۔ رشتے دار دور ہیں ، جس کی وجہ سے وہ آخری رسومات میں نہیں پہنچ سکے۔ آس پاس کے لوگوں نے کرونا کے خوف سے دوری اختیار کرلی۔ لاش گھر میں رکھی ہوئی تھی ، لیکن بیوی اور بیٹا بے بس تھے۔بہت سے مسلمان نوجوان اشوک کے پاس چائے پینے آتے تھے۔ جب انہیں اس کا علم ہوا تو 30-40 جوان گھر پہنچے۔ انھوں نے پوری ریتی رواج کے ساتھ ، اشوک کاانتم سنسکارکیا۔جس میں اشوک کا بیٹابھی شامل تھا۔ جب ان مسلمان نوجوانوں کا نام پوچھا گیا جنھوں نے انتم سنسکارکرایاتھاتو انہوں نے نام بتانےسے گریز کیا۔

آخری رسومات کے بعد ان میں سے ایک شخص نے کہا کہ یہ سب سے بڑی انسانیت ہے۔ کسی بھی بے بس شخص کی مدد کرنا تمام مذاہب کا سب سے بڑا فرض ہے۔ لوگ تھوڑی مدد کے ساتھ خود کو برانڈ کرنا شروع کردیتے ہیں۔ انسانیت یہ نہیں ہے۔ ہم نے ابھی اپنے مذہب کی پیروی کی ہے ، لہذا نام سے کوئی فرق نہیں پڑتا ہے۔ارتھی اٹھانے والوں میں سے ایک شخص نے بتایا کہ انشول نے اپنی بے بسی کا بیان کیا تو اس کے آنسو نہیں دیکھے گئے۔ کورونا کل چلاجائے گا لیکن ، اگر آج ہم مدد سے پیچھے ہٹ گئے تو ہم اس بچے سے کبھی نظر نہیں ملاسکیں گے۔ '

علاج کی کمی کی وجہ سے موت' اشوک کی اہلیہ نے علاج نہ ملنے پر ان کی موت کا الزام لگایا ہے۔ انہوں نے بتایا کہ کئی دن سے اشوک علاج کے لئے اسپتالوں کے چکر کاٹ رہے تھے۔ کسی نے بھی دیکھنے کی زحمت گوارا نہیں کی۔