کسان تحریک کے سلسلے میں چل رہے الزام در الزام کے بیچ کانگریس سمیت اہم اپوزیشن جماعتوں نے پارلیمنٹ کے بجٹ اجلاس میں صدر کے خطاب کا بائیکاٹ کرنے کا اعلان کیا ہے۔

کانگریس کے سینئررہنما اور راجیہ سبھا میں اپوزیشن کے لیڈر غلام نبی آزاد نے جمعرات کو صحافیوں سے بات چیت میں کہا کہ  16 سیاسی پارٹیوں نے کل صدر کے خطاب کا بائیکاٹ کرنے کا اعلان کیا ہے۔

یاد رہے کہ  پارلیمنٹ کے پچھلے اجلاس میں اپوزیشن کی غیر موجودگی میں زراعت سے متعلق تین قوانین کو حکومت نے پاس کرایا تھا- اس وجہ سے اہم اپوزیشن پارٹیاں حکومت سے نالاں ہیں

اپوزیشن پارٹیوں کے مشترکہ بیان میں کہا گیا ہےکہ بھارتیہ جنتاپارٹی کی حکومت نے تینوں زرعی قوانین کو من مانے طریقے سے نافذ کیا ہے جس سے ملک کی 60 فیصد آبادی پر روزی روٹی کا بحران پیدا ہوگیا ہے۔ اس سے کروڑوں کسان اور کھیت مزدور براہ راست متاثر ہورہے ہیں۔ دلی کی سرحدوں پر کسان گزشتہ 64 رن سے دھرنا مظاہرہ کررہے ہیں اور 155 سے زیادہ کسان اپنی زندگیاں گنوا چکے ہیں۔