امرتسر: شیوسینا کے رہنما سدھیر سوری کو جمعہ کو پنجاب کے امرتسر میں ایک مندر کے باہر دھرنے پر بیٹھے ہوئے نامعلوم حملہ آور نے گولی مار کر ہلاک کر دیا۔ یہ واقعہ مندر کے باہر پیش آیا جہاں سوری اور پارٹی کے کچھ دوسرے رہنما احتجاج کر رہے تھے۔

امرتسر پولیس نے بتایا کہ سوری کو متعدد بار گولی ماری گئی اور ملزم کو گرفتار کر لیا گیا ہے

شیوسینا کے دھڑے کے لیڈر سدھیر سوری کو اس وقت گولی مار کر ہلاک کر دیا گیا جب وہ جمعہ کی دوپہر ایک مندر کے باہر دھرنے پر بیٹھے تھے۔ سندیپ سنگھ نے مبینہ طور پر سوری میں فائرنگ کی۔ ملزم دھرنے کی جگہ کے قریب دکان چلاتا ہے جہاں سوری سڑک بلاک کر کے احتجاج کر رہا تھا

حکومت کی طرف سے انہیں 8 سے 12 پولیس اہلکاروں پر مشتمل سیکیورٹی اسکواڈ بھی فراہم کیا گیا تھا۔ سدھیر سوری انتخابی سیاست نہیں کرتے تھے لیکن اپنی متعصب تقاریر کی اور ویڈیو پیغامات کی وجہ سے مشہور تھے جن میں وہ سکھ تنظیموں اور خالصتان کے حامیوں کو ہدف تنقید بناتے تھے