نئی دہلی: کرناٹک کے ڈی جی پی پروین سود کو سینٹرل بیورو آف انویسٹی گیشن (سی بی آئی) کا نیا ڈائریکٹر مقرر کیا گیا ہے۔ سود 1986 بیچ کے آئی پی ایس افسر ہیں۔ سود دو سال تک اس عہدے پر فائز رہیں گے۔
سی بی آئی کے موجودہ ڈائریکٹر سبودھ کمار جیسوال کی میعاد 25 مئی کو ختم ہو رہی ہے۔ سود اسی دن سے ذمہ داری سنبھال سکتے ہیں۔
سود، مارچ میں اس وقت سرخیوں میں آئے جب کرناٹک کانگریس کے سربراہ ڈی کے شیوکمار نے ان پر ریاست میں بی جے پی حکومت کی حمایت کرنے کا الزام لگایا تھا۔ شیوکمار نے ریاست کے ڈائرکٹر جنرل آف پولیس کی گرفتاری کا مطالبہ کرتے ہوئے دعویٰ کیا تھا کہ وہ کانگریس لیڈروں کے خلاف مقدمات درج کر رہے ہیں۔