نئی دہلی (پی ٹی آئی):قومی انسانی حقوق کمیشن  نے بدھ کے روز کرناٹک حکومت اور ریاست کے پولیس سربراہ کو ہبلی میں ایک لڑکی کے اغوا، زیادتی اور قتل، اور ملزم کی "پولیس مقابلے" میں ہلاکت سے متعلق خبروں پر نوٹس جاری کیے ہیں۔کمیشن نے ایک بیان میں کہا کہ چار ہفتوں کے اندر طلب کی گئی رپورٹ میں دونوں متوفیوں کی "پوسٹ مارٹم رپورٹ" اور "مجسٹریل انکوائری رپورٹس" شامل ہونے کی توقع ہے۔ این آر ایچ سی  نےکرناٹک کے ہبلی شہر میں ایک نابالغ لڑکی کے اغوا، زیادتی اور قتل اور اس کے بعد گرفتار ملزم کی پولیس مقابلے میں ہلاکت" سے متعلق ایک میڈیا رپورٹ پر از خود نوٹس لیا ہے۔ رپورٹ کے مطابق یہ واقعہ 14 اپریل کو پیش آیا، بیان میں کہا گیا۔

کمیشن نے مشاہدہ کیا کہ اگر رپورٹ کے مندرجات درست ہیں تو یہ "نابالغ لڑکی اور مبینہ ملزم، دونوں کے انسانی حقوق کی سنگین خلاف ورزی" کی نشاندہی کرتے ہیں۔لہٰذا، این آر ایچ سی نے کرناٹک کے چیف سیکریٹری اور ڈائریکٹر جنرل پولیس کو نوٹس جاری کرتے ہوئے چار ہفتوں کے اندر تفصیلی رپورٹ طلب کی ہے۔بیان کے مطابق، 14 اپریل کو شائع ہونے والی میڈیا رپورٹ کے مطابق، لڑکی کی لاش ملنے کے بعد لوگوں نے اشوک نگر پولیس اسٹیشن کے باہر احتجاج کیا اور ملزم کی فوری گرفتاری کا مطالبہ کیا۔رپورٹس کے مطابق، پولیس نے چند گھنٹوں میں ملزم کو گرفتار کر لیا تھا اور تفتیش کے لیے لے جا رہے تھے جب اس نے پولیس پر حملے کی کوشش کی، جس کے نتیجے میں اسے گولیاں لگیں اور وہ ہلاک ہو گیا۔