سرینگر:لیفٹیننٹ گورنر منوج سنہا نے سرکاری ملازمین کے لئے جے اینڈ کے بینک کی ’ فون پے لون ‘ کی سہولت شروع کی ہے۔

لیفٹیننٹ گورنر منوج سنہا نے بدھ کو جموں و کشمیر حکومت کے ملازمین کیلئے ’ حادثاتی بیمہ اسکیم ‘ کا آغاز کیا ۔ اسکیم کے تحت جموں و کشمیر بینک تمام ملازمین کو 15 لاکھ روپے کا مفت گروپ پرسنل انشورنس کور فراہم کرے گا۔

اس موقع پر انہوں نے کہا کہ ’ فون پے لون ‘ اور ’ حادثاتی انشورنس کور ‘ جیسے لوگوں پر مبنی اقدامات ملازمین کے لئے پریشانی سے پاک کریڈٹ فلو اور سوشل سیکورٹی نیٹ کو یقینی بنائیں گے۔

لیفٹیننٹ گورنر نے بینک کو ہدایت دی کہ وہ اگلے مالی سال سے انشورنس کی رقم 15 لاکھ روپے سے بڑھا کر 25 لاکھ روپے کرے۔ مبہم کریڈٹ کلچر کو ختم کرنےاور کریڈٹ کی دستیابی میں فرق کو ختم کرنے کے لئے اٹھائے جانے والے کئی اقدامات پر روشنی ڈالتے ہوئے انہوں نے کہا کہ یو ٹی حکومت کریڈٹ فلو سسٹم کو مضبوط بنانے کے لئے کوششیں کر رہی ہے ۔

اس موقع پرلیفٹیننٹ گورنر نے مستفیدین کو پردھان منتری مدرا یوجنا کے منظوری لیٹر بھی تقسیم کئے ۔

مفت گروپ پرسنل انشورنس کور جموں و کشمیر حکومت کے تمام مستقل ملازمین کو ان پیش کشوں کے علاوہ بڑھایا جاتا ہے وہ جے اینڈ کے بینک اور جموں و کشمیر حکومت کے درمیان مفاہمت نامے کی جانب سے حقدار ہیں۔

بینک نے کور کی توسیع کے لئے اورینٹل انشورنس کمپنی کے ساتھ معاہدہ کیا ہے ۔ گروپ حادثاتی بیمہ کی پالیسی کسی بھی وقت اور کہیں بھی دہشت گردی سمیت تمام حالات میں ذاتی حادثاتی اموات کا احاطہ کرے گی۔

انشورنس کمپنی کو تمام مطلوبہ کاغذات جمع کرانے کے 15 کام کے دنوں کے اندر دعوؤں کا تصفیہ کرنا ہو گا ۔ ’ فون پے لون ‘ اسکیم کے تحت تنخواہ دار ملازمین رعائتی شرح سود پر ذاتی کھپت کے قرض اور کیش کریڈٹ کی سہولیات حاصل کر سکتے ہیں۔

ادھر لیفٹیننٹ گورنر منوج سِنہا کی صدارت میں اِنتظامی کونسل میٹنگ میں وزیر اعظم ترقیاتی پیکیج کے تحت کام کرنے والے ملازمین کے کیریئر کی ترقی کو بہتر بنانے کی کوشش میں ملازمین کی ترقی اسکیم کو منظور ی دی گئی۔

اِس سے پی ایم پیکیج کے تحت تعینات ملازمین کے کیرئیر کی ترقی میں رُکاوٹ دُور ہوجائے گی۔ اسکیم میں پی ایم پیکیج کے تحت مقرر کئے گئے کشمیری مائیگرنٹ ملازمین کے لئے متعلقہ محکموں کی جانب سے ایک الگ سنیارٹی برقرار رکھنے کا تصور کیا گیا ہے جو کہ ریگولرملازمین کی سنیارٹی کے متوازی چلیں گے اور پی ایم پیکیج کے تحت اعلیٰ اَسامیوں پر تقرری کی تاریخ سے لاگو ہوں گے۔

اِنتظامی کونسل نے اِسی تناسب سے نچلی سطحوں پر سپر نمبرری پوسٹوں کو کم کرکے، کشمیر مائیگرنٹ ملازمین کے برقت کیرئیر میں ترقی کی راہ ہموار کرنے کے لئے متعلقہ اعلیٰ سطحوں پر قبل از حقیقت اعلیٰ اَسامیاں تخلیق کرنے کی منظوری دی۔

تاہم یہ ترقیاں بھرتیوں کے قواعد کے مطابق سنیارٹی اور اہلیت کے تقاضوں پر مبنی ہوں گی۔ مزید برآں، پی ایم پیکیج کے تحت تمام اَسامیوں کو صوبہ کشمیر میں صوبائی سطح کے عہدوں کے طور پر دوبارہ نامزد کیا گیا ہے۔

نیا ڈھانچہ اہلیت اور سنیارٹی کے مطابق پی ایم پیکیج کے تمام ملازمین کو ان سیٹو پروموشن کی راہیں فراہم کرے گا۔