آواز دی وائس : نئی دہلی
بالی ووڈ کی شان اور بلبل ہند لتا منگیشکر کو شام ڈھلتے ہزاروں اہم شخصیات کی موجودگی میں نم آنکھوں کے ساتھ رخصت کردیا گیا ،ممبئی کے شیواجی پارک میں آخری سوم ادا کی گئیں ۔جس دوران وزیر اعظم نریندر مودی اور بالی ووڈ کے بادشاہ شاہ رخ خان سمیت لاتعداد اہم شخصیات شامل تھیں۔
جسد خاکی پر ترنگا تھا،اس کے ساتھ تینوں افواج کی جانب سے روایتی سلامی دی گئی۔
یاد رہے کہ لتا منگیشکر اتوار کی صبح بریج کینڈی اسپتال میں انتقال ہوا تھا۔انہیں کورونا ہوا تھا جس کے ساتھ نمونیا نے جکڑ لیا تھا۔
آخری رسومات کی ادائیگی سے قبل وزیر اعظم نریندر مودی ممبئی پہنچ گئے تھے۔انہوں نے شیواجی پارک میں کوکیلا لتا منگیشکر کو خراج عقیدت پیش کیا۔ شاہ رخ خان اور سچن ٹنڈولکر سمیت کئی اداکار، سیاست دان اور فلم انڈسٹری یہاں موجود تھے۔
ان کی رہائش گاہ سے شیواجی پارک تک کا آخری سفر میں ہزاروں افراد نے شرکت کی ۔لوگ پھولوں سے سجے اس گاڑی کے ساتھ چل رہے تھے جس پر لتا منگیشکر کی جسد خاکی رکھی تھی۔
وزیر اعظم نریندر مودی لتا منگیشکر کو خراج عقیدت پیش کرتے ہوئے
اس سے پہلے فوج کے جوان لتا منگیشکر جی کی لاش کو ترنگے میں لپیٹ کر گھر سے باہر لائے تھے۔ اس کے بعد فوج، بحریہ، فضائیہ اور مہاراشٹر پولیس کے جوانوں نے اس شخص کو کندھا دیا۔ ان کی لاش کو پھولوں سے سجے فوجی ٹرک میں رکھ کر شیواجی پارک لے جایا گیا۔ ممبئی کے ہزاروں لوگ لتا تائی کو آخری الوداع کرنے سڑکوں پر نکل آئے۔ لتا منگیشکرکی لاش بریچ کینڈی اسپتال سے رات 1.10 بجے ان کے گھر پہنچی تھی۔