جونا اکھاڑا کے اَودیشانند آچاریہ نے کمبھ کو علامتی رکھنے کی وزیراعظم کی اپیل کے بعد کمبھ میلے کو ختم کیا جُونا اکھاڑا کے سوامی اَودیشانند آچاریہ نے کہا ہے کہ ملک کی عوام اور ان کی بقا اولین ترجیح ہے۔ کووڈ۔19 کے بڑھتے معاملات کے پیش نظر جونا اکھاڑہ نے کمبھ میلے کیلئے لگائے گئے تمام دیوتاو ں کو نذرآب کردیا ہے۔اُنھوں نے جونا اکھاڑہ کی طرف سے کہا کہ کمبھ اب پورا ہوگیا ہے۔ اس سے قبل وزیراعظم نریندرمودی نے کووڈ۔19 وبا کے تناظر میں کمبھ میلے کے مزید جلوسوں کو صرف علامتی طور سے نکالنے کی اپیل کی تھی۔ وزیراعظم نے سوامی اودیشانندگیری سے بات کرکے گزارش کی تھی کہ اب کمبھ میلے کی تقریبات صرف علامتی طور پر منایا جائے کیونکہ دو شاہی اشنان پہلے ہی پورے ہوچکے ہیں۔ اس سے موجودہ وبا کے خلاف لڑائی میں وسعت ملے گی۔