ممبئی۔ کامیڈین کپل شرما نے وہیل چئیر پر جانے کی وجہ بتاتے ہوئے کہا کہ وہ ورزش کے دوران زخمی ہوگئے تھے۔
گزشتہ روز کامیڈین کپل شرما کی ائیرپورٹ سے وہیل چئیر پر جانے کی ویڈیو سامنے آئی تھی جس کے بعد کپل کے مداحوں میں تشویش کی لہر دوڑ گئی تھی کہ آخر کپل کو ایسا کیا ہوگیا، صرف یہی نہیں بلکہ کپل کو وہیل چئیر پر دیکھ کر فوٹوگرافرز نے جب تصاویر لینے کی کوشش کی تو کامیڈین آپے سے باہر ہوگئے اور فوٹوگرافرز کو گالی دیدی۔
میڈیا کے مطابق کپل شرما نے وہیل چئیر پر جانے کی وجہ بتاتے ہوئے کہا کہ گھبرانے کی کوئی بات نہیں بس ورزش کے دوران کمر انجرڈ ہوگئی ہے جو کہ چند دنوں میں ٹھیک ہوجائے گی تاہم آپ سب کا میری صحت کے بارے میں فکرمند ہونے کا شکریہ۔
