آواز دی وائس، نئی دہلی

اب برطانیہ سے آنے والے لوگوں کو 10 دن تک قرنطینہ میں رہنا پڑے گا ، آر ٹی پی سی آر ٹیسٹ کی رپورٹ بھی دکھانا ضروری ہے۔یہ  بڑا فیصلہ ہندوستانی حکومت نے برطانیہ کے رویہ کے پیش نظر کیا ہے۔کیونکہ اس قسم کے فیصلہ سے ہی برطانیہ جانے پر ہندوستانی مسافروں کو درپیش مشکلات کے پیش نظر سخت فیصلہ کیا ہے۔

حکومت نے 72 گھنٹوں میں برطانیہ سے آنے والے برطانوی مسافروں کے لیے آر ٹی پی سی آر(RTPCR) ٹیسٹ لازمی قرار دیا ہے۔اس کے علاوہ برطانیہ سے ہندوستان آنے کے بعد 10 دن کا قرنطینہ بھی کرنا پڑے گا۔ یہ قانون آئندہ 4 اکتوبر 2021 سے نافذ العمل ہوگا۔

برطانیہ سے ہندوستان آنے والے تمام برطانوی شہری ، چاہے ان کی ویکسینیشن کی حیثیت سے قطع نظر ، سفر سے 72 گھنٹوں کے اندر ایئر پورٹ پر اپنی کوویڈ-19 کی آر ٹی پی سی آر ٹیسٹ کی رپورٹ پیش کرنا ضروری ہے۔

خیال رہے کہ ماضی میں ، برطانوی حکومت نے ایک حکم جاری کیا تھا کہ کوئی بھی شخص جسے افریقہ ، جنوبی امریکہ ، متحدہ عرب امارات ، ہندوستان ، ترکی ، تھائی لینڈ ، روس اور اردن میں ویکسین دی گئی ہے اسے غیر ویکسین سمجھا جائے گا۔

ایسے مسافروں کو برطانیہ پہنچنے پر 10 دن قرنطینہ میں رہنا پڑے گا۔ ہندوستان نے برطانیہ کے اس فیصلے کی سخت مخالفت کی۔

کانگریس لیڈر ششی تھرور سمیت کئی رہنماؤں نے برطانیہ کے اس فیصلے پر برہمی کا اظہار کرتے ہوئے اپنے برطانیہ کے دورے منسوخ کر دیے تھے۔