کورونا کی وبا کے سبب پچھلے سال حج ممکن نہیں ہوسکا تھا مگر اس سال سعودی عرب نے حج کے بارے میں کم سے کم یہ اشارہ دیدیا ہے کہ حج تو ہوگا مگر اس میں عازمین حج کی تعداد کتنی ہوگی اس کا فیصلہ ہونا باقی ہے۔

 بہرحال دوسری جانب حج کمیٹی آف انڈیا اور تمام ریاستی حج کمیٹیاں حج 2021 کے لئے پوری طرح تیار ہیں۔اس کا اعلان مرکزی وزیر برائے اقلیتی امور مختار عباس نقوی نے کیا انہوں نے کہا کہ ہم سعودی عرب کے فیصلہ کا انتظار کررہے ہیں ۔ انہوں نے ممبئی میں منعقدہ ایک پریس کانفرنس کے دوران یہ بات کہی ہے۔ نقوی نے مزید کہا کہ کوویڈ 19 بحران کی وجہ سے دوسرے ممالک سے لوگ رواں سال حج 2021 میں شریک نہیں ہو رہے ہیں اور ہم اس مشکل وقت میں سعودی حکومت کے ساتھ ہیں اور ہم ہر فیصلے میں ان کے ساتھ ہیں ، ہم انتظار کر رہے ہیں کہ سعودی جو بھی فیصلہ لے گا ۔ ہم اس کو قبول کریں گے۔

 مختار عباس نقوی نے بتایا کہ ہم نے کووکسن کے حوالے سے ڈبلیو ایچ او سے اجازت طلب کی ہے اور حج کمیٹی نے بھی اس پورے معاملے پر سعودی حکومت سے تبادلہ خیال کررہی ہے۔نقوی نے بتایا کہ سعودی عرب نے کتنے لوگوں کو یہ ویکسین لگائی ہے کے بارے میں جانکاری فراہم کرنے کو کہا ہے اور حج کمیٹی آف انڈیا انہیں یہ معلومات فراہم کررہی ہے۔

Today chaired Haj 2021 review meeting at Haj House, Mumbai. Indian Ambassador to Saudi Arabia, Dr. Ausaf Sayeed & Consul General of India in Jeddah joined through Video Conferencing;senior officials of Union Ministry of Minority Affairs & Haj Committee of India were also present. pic.twitter.com/ePiRlbje7U

— Mukhtar Abbas Naqvi (@naqvimukhtar) June 10, 2021