آشا کھوسہ/نئی دہلی مجھے شادی سے پہلے اور جب تک میں اس دن کیرالہ میں اپنے سیرین کیتھولک سسرال میں نہیں رہی،تب تک مجھے گڈ فرائیڈے کی حقیقی اہمیت کا احساس نہیں ہوا تھا۔ جیسا کہ ہم میں سے بیشتر غیر ابراہیمی مذاہب سے تعلق رکھتے ہیں، خاص طور پر ہندو جن کے پاس یوم سوگ کا کوئی تصور نہیں ہے اور وہ صرف مذہبی تہوار کے طور پر مناتے ہیں، میرے نزدیک یہ وہ دن تھا جب عیسیٰ کو مصلوب کیا گیا تھا اور ان کے پیروکار ان کی قربانی کی یاد میں روزہ رکھتے ہیں۔

کیرالہ میں - کنجیراپلی، کوٹایم کا ایک گاؤں - جہاں رومن کیتھولک معاشرے کی موجودگی کا بہت زیادہ احساس ہوتاہے۔اس دن دن خاموشی کے ساتھ دعائیں کی جاتی ہیں۔ مجھے بتایا گیا کہ اس دن پرندے بھی نہیں چہچہاتے اور میں نے محسوس کیا کہ ایسا ہوتا ہے۔ خاموشی دماغ اور روح کو صاف کرنے کا ایک طاقتور ہتھیار ہے۔

اس دن میں نے مشترکہ خاموشی کو محسوس کیا جو ہر طرف پھیلی ہوئی تھی۔ گھر میں بچوں سمیت سبھی نے خاموشی اختیار کی اور خاموشی سے دعائیں پڑھیں۔ یہ توبہ کا دن تھا۔ کسی کے اندر جھانکنے اور خود کا جائزہ لینے کا وقت۔ اس وقت کے آس پاس ہے چرچ میں عیسائیوں کے لیے اہم ترین روحانی مشق کا اہتمام کیا جاتا ہے۔

مجھے یاد ہے کہ اس دن میری اسکول جانے والی بیٹی اپنے والد کے ساتھ پردے کے پیچھے فادر (پادری) کے سامنے مکمل رازداری کےساتھ اعتراف کرنے کے بعد واپس آئی تھی۔ کچھ دنوں تک، اس نے نہ تو معمول کا غصہ کیا اور نہ ہی چیخ پکار کیا۔ اس نے توبہ کے طور پر کئی بار "ہیل میری..." دعا کہنے کی سزا بھگت لی ہے۔

ایک غیر مسیحی ہونے کے ناطے، میں نے محسوس کیا کہ یہ بچوں کی کردار سازی کے لیے ایک اچھا نفسیاتی نسخہ ہے۔ کیرالہ میں واپس، فوڈ فرائیڈے پر، بزرگ اور بچے لمبے عرصے تک گھٹنے ٹیکے ہوئے دعا کرتے ہیں کہ شاید اس اذیت کی یاد میں کچھ تکلیف محسوس کریں جس کا سامنا یسوع مسیح کو مصلوب کیے جانے کے وقت ہوا۔

وہ دن سب نے روزے میں گزارسوائے بچوں اور بیماروں کے۔ انہیں بھی غیر لذیذ کھانا پیش کیا گیا اور کسی نےشکایت نہیں کی۔ مثال کے طور پر، رات کے کھانے کے لیے کریلا اور چپاتی (چاول کھانے والوں کے لیے سزا) کے ساتھ پیاز سے بنا سالن تھا۔

رسومات کا تعلق مصائب سے ہے جوعیش و آرام کا مترادف ہے۔ انسان ان مصائب اور تکلیفوں کو نقل کرنے اور ان سے گزرنے کا رجحان رکھتے ہیں جن سے مسیح انسانیت کی بھلائی کے لیے گزرے۔ مجھے بتایا گیا کہ لوگ اس دن اپنے کندھوں پر صلیب اٹھا کر چڑھائی کا سفر کرتے ہیں۔ کچھ نوعمر بچے اس دن پہاڑیوں پر زیارت کے لیے گئے۔

درد کو برداشت کرنے کے لیے انتہائی اقدامات ذاتی انتخاب ہے لیکن عام طور پروہ علامتی ہوتا ہے۔ تاریخ میں جھانکتے ہوئے، احساس ہوتا ہے کہ گڈ فرائیڈے دنیا بھر کے تمام فرقوں کے عیسائیوں کے لیے اہمیت رکھتا ہے۔ یہ اس دن کی نشاندہی کرتا ہے جب یسوع مسیح کو گتسمنی کے باغ میں گرفتار کیا گیا تھا اور یہودیہ کے رومی گورنر پونٹیئس پیلاطس نے موت کی سزا سنائی تھی۔

دہلی میں۔۔۔ عیسائی گرجا گھروں میں دعا کرتے ہیں جہاں ذہن اداس ہوتا ہے اور لوگ سر جھکا کر اور آنکھیں جھکائے خاموشی سے منتشر ہوجاتے ہیں۔ جب تک کہ وبائی مرض نے پوری دنیا کے تمام انسانوں کی زندگیوں کو متاثر نہیں کیا تھا، دہلی میں کوئی بھی عیسیٰ کی زندگی پروائی ایم سی اے کے شام کے شو میں جا سکتا تھا۔

اس ڈرامے میں سینئر فنکار حصہ لیتے تھے جو لگاتار کم از کم تین دن تک دکھایا جاتا تھا۔ یہ ایک اور بات ہے کہ بہت سے غیر مسیحی نادانستہ طور پر ایک مسیحی کو "ہیپی گڈ فرائیڈے" کہہ کر مبارکباد دینا چاہتے ہیں یہ جانتے ہوئے بھی کہ یہ اداسی کا دن ہے۔

ایک سرکاری افسر ہمیشہ خاص طور پر "ہیپی گڈ فرائیڈے" کی وش کرنے کے لیے ہمارے پاس آتا تھا۔ یہ کچھ شرمناک تھا پھر بھی میں نے اسے چائے اور ناشتہ پیش کیا اور اس نے پوچھا کہ "کیوں آج کوئی بڑی پارٹی نہیں ہے جیسا کہ آپ دیوالی اور کرسمس پر کرتے ہیں۔" اتوار کے روز، عیسائی یسوع مسیح کے جی اٹھنے کی یاد میں ایسٹر مناتے ہیں اور یہ خوشی کا تہوار ہے۔