آواز دی وائس، نئی دہلی
خارجہ سکریٹری ہرش وردھن شرنگلا منگل سے بنگلہ دیش کے دو روزہ دورے پر روانہ ہوگئے ہیں۔
دورے کے دوران مسٹر شرنگلا آج اپنے ہم منصب مسعود بن مومن، وزیر خارجہ اے کے عبدالمومن اور روڈ ٹرانسپورٹ کے وزیراور عوامی لیگ کے جنرل سیکرٹری عبید القادر سے ملاقات کریں گے۔
وہ بدھ کے روز وزیر اعظم شیخ حسینہ سے بھی ملاقات کریں گے۔
بنگلہ دیش کے ساتھ ہندوستان کے تعلقات اس کی 'پڑوسی پہلے' کی پالیسی کے مضبوط ترین ستونوں میں سے ایک ہے۔
اس بار دونوں ممالک اپنے سفارتی تعلقات کے قیام کی 50ویں سالگرہ مشترکہ طور پر منا رہے ہیں۔