مغربی بنگال میں اسمبلی چناؤ کے پانچویں مرحلے کیلئے بھی مہم میں تیزی آتی جا رہی ہے۔
مختلف ریاستوں میں ضمنی چناؤمہم اپنے شباب پر ہے۔ کووڈ19- سے متعلق احتیاطی اقدامات پر عمل کرتے ہوئے 44 اسمبلی سیٹوں کے لئے 50 خواتین سمیت 373 امیدوار چوتھے مرحلے میں اپنی قسمت آزما رہے ہیں۔
ایک کروڑ 15 لاکھ سے زیادہ ووٹر ان امیدواروں کی قسمت کا فیصلہ کریں گے جس کے لئے 12 ہزار 310 سے زیادہ پولنگ اسٹیشن قائم کئے گئے ہیں۔ بی جے پی اور حکمراں اے آئی ٹی سی ،44 سیٹوں پر جبکہ کانگریس، بائیں بازو کی پارٹیاں اور ان کا اتحادی ساتھی انڈین سیکولر فرنٹ سنیوکت مورچہ کے تحت چناؤ لڑ رہا ہے۔