ہندوستان میں کورونا وائرس کے نئے اسٹرین کا حملہ

مریضوں کی تعداد میں لگاتاراضافہ

مہاراشٹر میں کچھ دھیمی پڑی رفتار

بہارواتر پردیش میں کورونا کا پھیلاؤ تیز

اڈیشاوجھارکھنڈمیں بھی پھیلنے لگاکورونا

نئی دہلی

اعدادوشمار کے مطابق بہار میں اس وقت کورونا پھیلنے کی رفتار سب سے زیادہ ہے جہاں 22.47 فیصد کی تیزی سے کورونا انفیکشن کے معاملے سامنے آ رہے ہیں۔

دوسرے مقام پر اتر پردیش ہے جہاں 20.01 فیصد کی تیزی سے کورونا وائرس اپنا اثر دکھا رہا ہے۔

تیسرے مقام پراڈیشہ ریاست ہے جہاں کورونا پھیلنے کی شرح 15.73 فیصد ہے۔ دہلی (14.78 فیصد) اور جھارکھنڈ (14.70 فیصد) اس فہرست میں بالترتیب چوتھے اور پانچویں مقام پر ہیں۔

گویا کہ اب مہاراشٹر ان پانچ ریاستوں میں شامل نہیں ہے جہاں کورونا کی رفتار سب سے زیادہ تیز ہے۔ کورونا پھیلنے کی سب سے کم شرح چنڈی گڑھ میں ہیں جہاں اس کی رفتار محض 1.32 فیصد ہے اور پھر دوسرے مقام پر پنجاب ہے جہاں 1.33 فیصد کی شرح سے کورونا کا پھیلاؤ ہو رہا ہے۔

مہاراشٹر اس فہرست میں تیسرے مقام پر پہنچ گیا ہے جو ادھو حکومت کے لیے ایک بڑی خوشخبری کہی جائے گی۔ مہاراشٹر میں کورونا انفیکشن میں اضافہ کی شرح 3.28 فیصد ہے۔

اس فہرست میں چوتھے اور پانچویں مقام پر بالترتیب کیرالہ (7.69 فیصد) اور مدھیہ پردیش (7.93 فیصد) ریاستیں ہیں۔

(ایجنسی ان پٹ)