نئی دہلی : آواز دی وائس

کورونا وائرس کی تیسری لہر بوڑھوں اور بیماریوں میں مبتلا افراد کو سب سے زیادہ متاثر کر رہی ہے۔

سرکاری اعداد و شمار سے پتہ چلتا ہے کہ 5 جنوری سے 9 جنوری کے درمیان دہلی میں اپنی جان سے ہاتھ دھونے والے 46 کووڈ-19 مریضوں میں سے 34 کو کینسر اور دل یا جگر کی بیماریاں تھیں۔ تاہم ان 46 افراد میں سے صرف 11 کو ہی ویکسین پلائی گئی۔

۔ 60 سال سے زیادہ عمر کے 25 مریض

۔ 25 مریضوں کی عمریں 60 سال سے زیادہ تھیں اور 14 کی عمریں 41 سے 60 سال کے درمیان تھیں۔ 21-40 عمر کے گروپ میں پانچ اموات ریکارڈ کی گئیں، جب کہ 0-15 اور 16-20 کی عمر کے گروپوں میں سے ایک ایک مریض انفیکشن کا شکار ہوا۔

۔۔ 32 مریض آئی سی یو میں داخل

 ایک اہلکار کے مطابق، 32 مریضوں کو آئی سی یو میں داخل کیا گیا تھا اور وہ زیادہ تر وہ تھے جو دائمی رکاوٹ پلمونری بیماری، کینسر، جگر اور دل کی بیماری جیسی بیماریوں میں مبتلا تھے۔

 اسپتال میں داخل ہونے کے بعد 21 مریضوں کا ٹیسٹ مثبت آیا

دیگر بیماریوں میں مبتلا 21 مریضوں کے اسپتال میں داخل ہونے کے بعد کورونا کا ٹیسٹ مثبت آیا۔ 46 میں سے 37 مریضوں کو آکسیجن کی سیچوریشن 94 فیصد سے کم ہونے کے بعد ہسپتال میں داخل کرایا گیا۔

۔ 13 جون کے بعد ایک ہی دن میں سب سے زیادہ جانیں ضائع ہوئیں

اتوار کو دہلی میں کووڈ کی وجہ سے 17 لوگوں کی موت ہوئی، جو کہ گزشتہ سال 13 جون کے بعد ایک ہی دن میں سب سے زیادہ ہے۔ اس مہینے کی بات کریں تو اب تک 53 افراد کورونا انفیکشن کی وجہ سے ہلاک ہو چکے ہیں۔  گزشتہ 5 ماہ میں اس بیماری سے کل 54 اموات ریکارڈ کی گئیں۔ دسمبر میں 9، نومبر میں 7، اکتوبر میں 4، ستمبر میں 5 اور اگست میں 29۔