غوث سیوانی،نئی دہلی

کھیلوں کی دنیابھی بڑی ظالم ہے۔ ایک طرف کرکٹرکوبھگوان کا درجہ ملتاہے اور دوسری طرف دوسرے کھیلوں کے کھلاڑیوں سے بہت کچھ چھین لیا جاتاہے۔ ہر کھلاڑی کا خواب ہوتاہے کہ وہ اپنے ملک کے لئے کھیلے مگر کچھ ہی افراد کا یہ خواب تعبیرکوپہنچتاہے۔ بہت سے کھلاڑیوں کو مجبوری کی وجہ سے بھی کھیل چھوڑنا پڑتاہے۔

ایسا ہی ایک نام عابد خان کاہے۔ عابد ،قومی سطح کے باکسر رہے ہیں لیکن وہ آج حالات سے مجبور ہوکر آٹو چلارہے ہیں۔ ان کا ایک انٹرویو ٹویٹر پر بہت وائرل ہورہاہے ،جس میں وہ اپنے کیریئر کی کہانی سنارہے ہیں۔

کل کا ہیروآج کا مزدور

بچوں کو مفت تربیت

اس ویڈیو کے منظر عام پر آنے کے بعد ، کچھ لوگوں نے ان کی مدد کی اور اب عابد نے بچوں کو کوچنگ دیناشروع کردی ہے۔ عابد NIS کوالیفائیڈ کوچ ہیں لیکن کئی مشکلات کی وجہ سے وہ باکسنگ سے الگ ہوگئے۔ تاہم ، اب وہ ایک بار پھر باکسنگ کو اپنارہے ہیں۔

انہوں نے چندی گڑھ کے قریب دھناس میں واقع ریہیبلیٹیشن کالونی میں اپنا سنٹر شروع کیا ہے۔ وہ اپنے آس پاس کے بچوں کو مفت ٹریننگ دے رہے ہیں۔ عابد نے ایک حالیہ انٹرویو میں کہا ، "میں اپنےپہلے پیارسے بالکل قریب نہیں ہوں ، لیکن ہاں ، اب میں اس سے ملنے چل پڑا ہوں۔ یہ بچے تیارہوجائیں۔چنڈی گڑھ میں کچھ کریں اور پھر ہم محسوس کریں گے کہ ہم نے کچھ کیا ہے۔ ہاں ، ہمیں خوشی ہے کہ ہم اس جذبے کی طرف گامزن ہیں۔

عابدخاں:کل اورآج

پرانے دن

 وہ پرانے دنوں کو یادکرتے ہوئے کہتے ہیں کہ میں نے آخری بار 94-95 میں رودرپریاگ میں کوچنگ دیا تھا ، وہاں پانچ چھ رجمنٹ تھے۔ اچھا لگتا ہے لیکن بہتر محسوس ہوگا جب یہ بچے آگے بڑھیں گے۔ "

مجبوری حالات

عابد نے ایک انٹرویو میں اپنی کہانی سنائی۔انھوں نے بتایا کہ اب وہ آٹو چلانے پر کیوں مجبورہوئے ہیں۔ ان کا کہنا ہے کہ اس نے لگ بھگ 1980 میں چندی گڑھ سے باکسنگ کی شروعات کی تھی۔ عابد نے بتایا کہ انھوں نے پہلا قومی کھیل 1982 میں کھیلا تھا۔ جب عابد سے پوچھا گیا کہ وہ آٹو کیوں چلا رہے ہیں تو ، ان کا جواب تھا کہ جب نوکری نہیں ملی توکیا کریں۔ بھٹکتے رہے ،جب کچھ نہیں ملا، تو بچوں کو کھانا کھلانے کے لئے کچھ بھی کرناپڑتاہے۔ اب میں آٹو چلا رہا ہوں ، جس سے گزر ہورہا ہے۔

این آئی ایس سے ڈپلومہ

عابد نے قومی سطح پر کھیلنے کے علاوہ این آئی ایس نیشنل انسٹی ٹیوٹ آف اسپورٹس سے ڈپلوما بھی کیا ہے۔ انہوں نے بتایا ، "میں 1992-93 تک کھیل چکا ہوں۔ میں نے 1988 میں NIS ڈپلومہ کیا تھا۔ تب ہمارے چیف جی ایس سندھو تھے۔ بعد میں وہ ہندوستانی ٹیم کے کوچ بھی رہے۔ ان کے علاوہ ٹی ایل گپتا اور آر کے شرما بھی تھے۔ یہ تینوں ہمارے ٹرینر تھے۔ کچھ نے میرا ساتھ نہیں دیا ، کچھ تک رسائی نہیں ہوپائی ، کچھ بھی کہا لیکن نوکری نہیں ملی۔

فرحان اختر بھی چونک اٹھے

یہ بہت سے لوگوں کے ساتھ ہوا ہے کہ وہ اپنے وقت کے بہترین کھلاڑی رہے لیکن مجبوریوں کی وجہ سے انہیں کھیل چھوڑنا پڑا۔ عابد خان ، جو قومی سطح کے باکسر تھے ،ان کے ساتھ بھی ایسا ہی ہوا۔ عابد خان کہتےہیں ، کسی غریب انسان کے لئے سب سے بڑی لعنت یہ ہے کہ وہ غریب ہے اور اس سے بڑی لعنت اس کا کھلاڑی ہوناہے۔

بالی ووڈ کے مشہور اداکار فرحان اختر نے سوشل میڈیا پر اس ویڈیو کے بارے میں اپنے دل کا درد شیئرکیا ہے۔ فرحان اختر نے عابد خان کے ویڈیو پر لکھا ، یہ دیکھ کردل پریشان ہواٹھاہے اور متاثر کن بھی ایک اس اسپورٹس پرسن نے کس طرح سادگی اور دل جمعی کے ساتھ کام کیا ہے۔ کیا آپ ان کا رابطے کا نمبرشیئر کرسکتے ہیں؟"

واضح ہوکہ فرحان اختراپنی آنے والی فلم میں ایک باکسر کے کردار میں نظر آئیں گے۔

This is heartbreaking yet so inspiring to see how humbly this sportsperson has coped with unfulfilled ambition. Can you please share his contact details? @duggal_saurabh https://t.co/QNC0RvlQ7q

— Farhan Akhtar (@FarOutAkhtar) April 15, 2021