ممبئی: ای ڈی نے جمعرات کو نیشنلسٹ کانگریس پارٹی (این سی پی) لیڈر اور مہاراشٹر کے وزیر نواب ملک کے خلاف 5000 صفحات کی چارج شیٹ داخل کی۔

یہ کیس ڈان داؤد ابراہیم کے خاندان سے زمین کی خریداری سے متعلق ہے۔ انفورسمنٹ ڈائریکٹوریٹ (ای ڈی) نے خصوصی پی ایم ایل اے عدالت میں چارج شیٹ پیش کی۔

ای ڈی کے اہلکار لوہے کے ڈبے میں چارج شیٹ کی کاپی لے کر عدالت پہنچے۔ انہوں نے ایک ایک کر کے ملک پر لگائے گئے الزامات کی وضاحت کی۔

ملک، جنہیں 23 فروری کو ای ڈی نے گرفتار کیا تھا، فی الحال ممبئی کی آرتھر روڈ جیل میں بند ہیں۔ چارج شیٹ میں ای ڈی نے نواب ملک، سولیڈس انویسٹمنٹ پرائیویٹ لمیٹڈ، ملک انفراسٹرکچر اور داؤد ابراہیم کے ساتھیوں اور متعلقہ افراد کا نام لیا ہے۔ اس معاملے میں یہ پہلی چارج شیٹ ہے۔