لکھنؤ

کشمیری شدت پسندوں کے تار لکھنو سے گرفتار دو افراد سے ملنے کی بات کہی جا رہی ہے.

اے ٹی ایس نے چھاپہ ماری کے دوران ایک گھر سے دو مشتبہ شدت پسندوں کو حراست میں لیا ہے اور ان سے پوچھ گچھ جاری ہے۔ اترپردیش کے دارالحکومت لکھنؤ میں مشتبہ عسکریت پسندوں کی اطلاع ملنے پر اے ٹی ایس نے کاکوری کے رنگ روڈ پر واقع ایک مکان پر چھاپہ مارا۔

اے ٹی ایس گھر کے اندر لوگوں سے پوچھ گچھ کررہی ہے۔ اس دوران اے ٹی ایس نے دو مشتبہ شدت پسندوں کو حراست میں لیا ہے، اس سے قبل اے ٹی ایس نے رات 12.30 بجے علاقے میں سرچ آپریشن شروع کیا تھا۔

چھاپہ ماری کے دوران اے ٹی ایس نے احتیاط کے طور پر گھر کے آس پاس کے مکانات کو خالی کرا لیا تھا۔ پولیس فورس کی ایک بڑی تعداد موقع پر موجود تھی۔ اے ٹی ایس نے موقع سے دو پریشر ککر بم ، ایک ٹائم بم اور 6-7 کلو دھماکہ خیز مواد برآمد کرنے کا دعوی کیا۔ (ایجنسی ان پٹ )