گوہاٹی: آسام میں شدید بارش کی وجہ سے دیما ہساو کے کئی علاقوں میں سیلاب جیسی صورتحال پیدا ہوگئی ہے۔
طوفان آسانی کے بعد سے آسام میں مسلسل بارش ہو رہی ہے جس کی وجہ سے کئی علاقے بری طرح متاثر ہوئے ہیں۔
عوام کو خاصی مشکلات کا سامنا ہے۔ اسی دوران آسام اسٹیٹ ڈیزاسٹر مینجمنٹ اتھارٹی کے مطابق مٹی کے تودے گرنے سے ایک خاتون سمیت تین افراد کی موت ہو گئی۔
#WATCH | Assam: PWD road connecting Hojai and West Karbi Anglong districts submerged under floodwaters in Hojai district, yesterday
— ANI (@ANI) May 15, 2022
Several villages were inundated as the flood situation remains gloomy in the district pic.twitter.com/R2y4f1Dynu
ایک اہلکار نے بتایا کہ گزشتہ چند دنوں سے مسلسل بارشوں کے باعث مٹی کے تودے گرنے کے واقعات منظر عام پر آئے ہیں، جس کی وجہ سے تین افراد کی موت ہو گئی ہے۔
اس کے علاوہ مائبانگ اور مہور کے درمیان ریل روٹ بھی متاثر ہوا ہے۔ لینڈ سلائیڈنگ کے باعث ٹرینیں اپنے مقررہ وقت کے مطابق نہیں چل رہی ہیں۔
شمال مشرقی سرحدی ریلوے کے لمڈنگ-بدر پور سیکشن میں کئی ٹرینیں منسوخ کر دی گئی ہیں۔
ڈپٹی کمشنراین احمد کے مطابق ایک ایڈوائزری جاری کی گئی تھی جس میں لوگوں سے کہا گیا تھا کہ وہ سفر سے گریز کریں۔
بتادیں، ہندوستانی محکمہ موسمیات کے مطابق آسام کے کئی حصوں میں 15 مئی تک مسلسل تیز بارش کا امکان ہے۔ اس کے علاوہ میگھالیہ اور اروناچل پردیش میں بھی موسلادھار بارش کا امکان ہے۔
