نئی دہلی: ملک بھر میں آج کورونا کے نئے کیسز میں زبردست اضافہ ہوا ہے۔ تازہ ترین معلومات کے مطابق گزشتہ 24 گھنٹوں کے دوران ملک بھر میں 5,233 نئے کیسز درج کیے گئے۔ گزشتہ روز 3,714 کیسز رپورٹ ہوئے۔ اس تناظر میں آج کورونا کے نئے کیسز میں تقریباً 41 فیصد کا اضافہ ہوا ہے۔
اس کے ساتھ ہی گزشتہ 24 گھنٹوں میں کورونا سے 7 افراد کی موت ہوئی ہے۔ اب تک کل 4,31,90,282 کیس رپورٹ ہوئے ہیں۔ ایکٹو کیسز کی بات کریں تو ان کی تعداد 28857 ہے۔ اب تک کل 4,26,36,710 افراد کورونا سے صحت یاب ہو چکے ہیں۔ گزشتہ 24 گھنٹوں میں 3345 افراد صحت یاب ہوئے ہیں۔ ملک میں اب تک 5,24,715 افراد کورونا کی وجہ سے جان کی بازی ہار چکے ہیں۔ ملک بھر میں ویکسینیشن پروگرام کے تحت ملک بھر میں 194.43 کروڑ ویکسین کی خوراکیں دی گئی ہیں۔
آپ کو بتاتے چلیں کہ ہندوستان میں کورونا کی ویکسینیشن پروگرام کے تحت اب تک 193.83 کروڑ سے زیادہ خوراکیں لگائی جا چکی ہیں، گزشتہ 24 گھنٹوں میں کورونا ویکسین کی 11,67,037 خوراکیں لگائی گئیں۔ ملک میں کورونا وائرس سے متاثرہ مریضوں کی تعداد 7 اگست 2020 کو 20 لاکھ، 23 اگست 2020 کو 30 لاکھ اور 5 ستمبر 2020نکو 40 لاکھ سے تجاوز کر گئی تھیں-
انفیکشن کے کل کیسز 16 ستمبر 2020 کو 50 لاکھ، 28 ستمبر 2020 کو 60 لاکھ، 11 اکتوبر 2020 کو 70 لاکھ، 29 اکتوبر 2020 کو 80 لاکھ اور 20 نومبر 2020 کو 90 لاکھ سے تجاوز کر گئے۔ 19 دسمبر 2020 کو ملک میں یہ کیسز ایک کروڑ سے تجاوز کر گئے تھے۔ گزشتہ سال 4 مئی کو متاثرہ افراد کی تعداد 20 ملین سے تجاوز کر گئی تھی اور 23 جون 2021 کو یہ تعداد 30 ملین سے تجاوز کر گئی تھی۔ اس سال 26 جنوری کو کیسز چار کروڑ سے تجاوز کر گئے تھے۔
ہندوستان میں کووڈ -19 ٹیکہ کاری کی تعداد آج صبح 7 بجے تک کی عبوری رپورٹوں کے مطابق 194.43 کروڑ (1,94,43,26,416) سے تجاوز کرگئی ہے۔یہ سنگ میل2,48,41,726 سیشن کے ذریعہ حاصل کیا گیا ہے۔ 12 سے 14 سال کی عمر کے گروپ کے لئے کووڈ-19 سے بچاؤ کے لئے ٹیکہ کاری کا عمل 16 مارچ 2022 کو شروع کیا گیا تھا۔
اب تک 3.46کروڑ (3,46,80,050) سے زیادہ نوعمر لوگوں کو کووڈ-19 ویکسین کی پہلی ڈوز لگائی گئی ہے۔اسی طرح، 18 سے 59 سال کے عمر والے افراد کے لئے کووڈ-19 کی احتیاطی خوراک دیئے جانے کا پروگرام 10 اپریل 2022 کو شروع کیا گیا تھا -
آج صبح 7 بجے تک موصول ہونے والی عبوری رپورٹ کے مطابق مجموعی اعداد وشمار کی تفصیلات درج ذیل ہیں:
