سری نگر
مشہور بالی ووڈ اداکار اکشے کمار نے جمعرات کے روز شمالی کشمیر کے باندی پورہ ضلع میں لائن آف کنٹرول سے متصل نیرو گاؤں میں اسکول کی عمارت کی تعمیر کے لئے 1 کروڑ کا عطیہ کیا ہے ۔ کشمیری میڈیا کے مطابق بالی ووڈ اسٹار نے نیرو گاؤں کا دورہ کرنے کے بعد اسکول کی عمارت کی تعمیر کے لئے 1 کروڑ کا عطیہ کیا۔
اکشے کمار نے جس نیرو گاؤں کا دورہ کیا ہے وہ گوریز سیکٹر کی وادی میں لائن آف کنٹرول کے قریب واقع ہے۔
خبروں کے مطابق اکشے نے نیرو میں فوج کے جوانوں کے ساتھ بات چیت کی تاکہ ان کے حوصلہ افزائی ہو سکے ۔ انہوں نے وہاں تعینات بی ایس ایف یونٹ کے زیر اہتمام ایک تقریب میں مقامی لوگوں کے ساتھ رقص بھی کیا۔