نئی دہلی :حکومت نے موبائل فون، لیپ ٹاپ اوردیگر کے لیے عام قسم کی چارجنگ پورٹ کا اعلان کیا ہے۔ بیورو آف انڈین اسٹینڈرڈز(BIS) نےUSB Type-C پورٹ کو کوالٹی اسٹینڈرڈ پورٹ کے طور پر اعلان کیا ہے۔

صارفین کے امور کی وزارت کے ایک سینئر اہلکار کے مطابق حکومت نے دونوں طرف سے موبائل، اسمارٹ فونز اور ٹیبلٹس کے لیے دو طرح کے مشترکہ چارجنگ پورٹUSB Type-C اور الیکٹرانک آلات کے لیے ایک اور چارجنگ پورٹ کا اعلان کیا ہے۔ 

پچھلی میٹنگ میںUSB Type-C پورٹ کی منظوری دی گئی تھی۔ صارفین کے امور کے سکریٹری روہت کمار سنگھ کے مطابق  ٹائپ سی کو بی آئی ایس نے معیاری چارجر کے طور پر منظور کیا ہے۔

انڈین انسٹی ٹیوٹ آف ٹیکنالوجی(IIT) کانپور کی طرف سے  عام چارجر کے لیے ایک مطالعہ کیا جا رہا ہے۔ رپورٹ جمع ہونے کے بعداس چارجر کو تسلیم کرلیا جائے گا۔

حکومت کے مطابق ڈیوائس مینوفیکچررز کو عام موبائل چارجرز کے لیے مارچ 2025 کی ڈیڈ لائن دی گئی ہے۔ جب کہ عام چارجر کے لیے 2026 کی آخری تاریخ مقرر کی گئی ہے۔

ایسی صورت حال میں مارچ 2025 کے بعد اسمارٹ فون کمپنیاںUSB Type-C پورٹ کے بغیر اسمارٹ فون اور لیپ ٹاپ فروخت نہیں کرسکیں گی۔

درحقیقت حکومت کا ماننا ہے کہ مختلف قسم کے چارجرز ملک میں الیکٹرانک فضلے کی مقدار کو بڑھاتے ہیں۔ اس کے علاوہ صارفین کو چارج کرنے کے لیے الگ چارجر کی وجہ سے پریشانی کا سامنا ہے۔ اس کے علاوہ چارجر کے نام پر صارفین سے زیادہ رقم وصول کی جاتی ہے۔