دبئی :حج2023 کا اختتام ہوگیا ۔ دنیا بقر عید منانے میں مصروف ہے ،دنیا کے کونے کونے میں عید قربان کا جشن ہے ۔مگر کوئی ہے جو خلا سے اس روحانی سفر اور عبادت کو دیکھ رہا تھا اور کیمرے کی آنکھ سے قید کررہا تھا۔ جی ہاں! امارات کے خلاباز سلطان النیادی عید الاضحٰی بین الاقوامی خلائی سٹیشن پر گزار رہے ہیں۔ یہ خلائی سٹیشن پر ان کی دوسری عید ہے اس سے قبل عیدالفطر پر بھی وہ خلائی سٹیشن پر تھے۔ امارات الیوم کے مطابق حج ایام کے دوران زمین کی سطح سے 400 کلومیٹر کی بلندی پر واقع بین الاقوامی خلائی سٹیشن سے مکہ مکرمہ میں خانہ کعبہ اور منیٰ میں حجاج کی عارضی خیمہ بستی کی خلا سے تصاویر لی ہیں جو سوشل میڈیا پر وائرل ہیں۔ بین الاقوامی خلائی سٹیشن سے سے لی گئی تصاویر اماراتی خلا باز نے اپنے ٹوئٹر اکاونٹ پر شیئر کیں ہیں۔
Today is Arafat Day, a pivotal day during Hajj, that reminds us that faith is not just about belief, but also action and reflection. May it inspire us all to strive for compassion, humility, and unity. Here’s a view of the holy site of Mecca 🕋 that I captured yesterday. pic.twitter.com/mGI65NeEmh
— Sultan AlNeyadi (@Astro_Alneyadi) June 27, 2023
انہوں نے لکھا کہ ’آج یوم عرفہ ہے، حج کا ایک اہم دن جو ہمیں یاد دلاتا ہے کہ ایمان کا تعلق صرف عقیدے سے نہیں بلکہ عمل سے بھی ہے۔‘ ’عازمین حج اچھے ہیں اور اچھی کوششیں کرتے ہیں۔ آپ ایک عظیم دن یعنی حج کے موقع پر نیک اعمال کر رہے ہیں۔‘ اماراتی خلا باز نے جو تصاویر شیئر کی ہیں ان میں یوم ترویہ پر خانہ کعبہ اور منیٰ میں حجاج کی عارضی خیمہ بستی نظر آ رہے ہیں۔
