ممبی

بولڈ اداکارہ سنی لیونی کو کورونا وائرس کے باعث لگائے گئے لاک ڈاؤن کے کی وجہ سے غریبوں کا درد ستانے لگا ہے۔

غریبوں کی حالتِ زار پر اپنے خدشات کا اظہار کرتے ہوئے سنی لیونی کا کہنا تھا کہ ان کی دلی ہمدردیاں یومیہ اجرت پر کام کرنے والوں کے ساتھ ہیں۔

سنی لیونی کا کہنا تھا کہ اداکار اور بڑے لوگ اس لاک ڈاؤن سے نبردآزما ہوجائیں لیکن غریب اسے برداشت نہیں کرسکتا۔

انھوں نے کہا کہ ہم اسٹارز اور انٹرٹینرز اگر مہینوں بھی کام نہ کریں تو کوئی مسئلہ نہیں ہے لیکن ایسے لوگ جو سیٹ پر ہمارے ساتھ کام کرتے ہیں ان لوگوں کو اجرت دینا ضروری ہے تاکہ وہ اپنے اہلِ خانہ کا خیال رکھ سکیں۔

سنی کا کہنا تھا کہ ٹیکنیشن، ہیئر اسٹائلسٹس اور میک اپ آرٹسٹس بھی اسی کیٹیگری میں آتے ہیں، اور ان تمام لوگوں کا دارومدار سیلیبریٹیز کے کام کرنے پر ہے۔ (ایجنسی ان پٹ )