دوحہ: بالی وڈ کے ’کنگ‘ شاہ رخ خان کی فلم ’پٹھان‘ اگلے سال جنوری میں ریلیز ہوگی اور اس کی پروموشن کا بیڑا انہوں نے خود اٹھا رکھا ہے۔

اتوار کو ارجنٹائن اور فرانس کے درمیان قطر میں کھیلے جانے والے فائنل سے قبل شاہ رخ خان انگلینڈ اور مانچیسٹر یونائیٹڈ کے سابق فٹ بالر وین رونی کے ساتھ ایک ٹی وی شو میں جلوہ گر ہوئے۔

اس پروگرام کے دوران وین رونی نے پوچھا ’پٹھان کون ہے؟ کیا وہ کسی فٹ بال شخصیت جیسا ہے؟‘

The world knows India through Deepika Padukone and Shahrukh Khan. Not Narottam Mishra. pic.twitter.com/AUieanFMjT

— Rohini Singh (@rohini_sgh) December 18, 2022

اس سوال پر پہلے شاہ رخ خان مسکرائے اور پھر کہا ’میں یہ اس لیے نہیں کہہ رہا کیونکہ آپ (رونی) یہاں ہیں۔ میں آپ کو ایمانداری سے بتاؤں گا کہ پٹھان کون ہے۔‘

شاہ رخ خان نے اپنی بات کو جاری کرتے ہوئے کہا کہ ’جب آپ پھنس جاتے ہیں اور آپ کو کسی مسئلے کا حل نہیں مل رہا ہوتا اس وقت آخری لمحے میں جس شخص کو آپ پکارتے ہیں اسے پٹھان کہتے ہیں۔‘

ہندوستانی اداکار نے سابق انگلش فٹ بالر کی تعریف کرتے ہوئے کہا کہ ’میرے لیے اگر کوئی بھی فٹ بالر پٹھان ہوسکتا تو وہ ہمیشہ آپ ہوتے۔‘

Excitement level 💯 as @iamsrk is LIVE right now in the studio at #FIFAWorldCup 2022 Finals 💥 Watch the action unfold on @JioCinema & @Sports18 #Pathaan releasing in theatres on 25th Jan! pic.twitter.com/Viq8fx4wan

— Yash Raj Films (@yrf) December 18, 2022

اس پروگرام کے دوران شاہ رخ خان اور وین رونی کی لی گئی ایک تصویر بھی وائرل ہوئی ہے جس میں دونوں بالی وڈ کنگ کے انداز میں کھڑے ہیں۔

شاہ رخ خان اور دیپیکا پاڈوکون کی فلم ’پٹھان‘ 25 جنوری 2023 میں ریلیز ہوگی۔ اس فلم میں پہلی مرتبہ شاہ رخ خان اور جان ابراہم بھی ساتھ نظر آئیں گے۔

یہ شاہ رخ خان اور دیپیکا پاڈوکون کی چوتھی فلم ہے جس میں دونوں نے اکٹھے کام کیا ہے۔

دیپیکا پاڈوکون نے 2007 میں اپنی پہلی ہی فلم اوم شانتی اوم میں شاہ رخ خان کے ساتھ کام کیا تھا۔ اس کے بعد وہ ہیپی نیو ایئر اور چنائے ایکسپریس میں بھی ایک ساتھ نظر آئے۔