ممبئی
اداکار شاہ رخ خان اپنی بیٹی کے مستقبل کے لیے فکرمند ہیں اور بیٹی کے مستقبل کے بوائے فریند کے لیے انہوں نے ضابطے بھی طے کر دئے ہیں ۔
واضح رہے کہ آج سہانا خان اپنی 21ویں سالگرہ منارہی ہیں۔ وہ اکثر اپنے اور والد کے درمیان گہرے تعلق کو بیان کرتی رہتی ہیں، جبکہ شاہ رخ خان بھی اکثر انٹرویوز میں انکشاف کرتے ہیں کہ وہ کتنے خیال رکھنے والے والد ہیں۔
اس حوالے سے آج سے تقریباً چار برس قبل شاہ رخ خان نے ایک جریدے کو دیے گئے انٹرویو کے دوران کہا تھا کہ انھوں نے اپنی بیٹی کے مستقبل کے لیے بوائے فرینڈ کے لیے ضابطہ طے کیا ہوا ہے۔ انھوں نے کہا کہ جو میری بیٹی کے ساتھ ڈیٹنگ کرنے کا خواہشمند ہو اس کے پاس اچھی ملازمت ہو، وہ یہ سمجھ لے کہ میں اسے پسند نہیں کرتا، وہ یہ بھی جان لے کہ میں ہر جگہ موجود ہوں۔
انہوں نے مزید کہا تھا کہ وہ شخص اپنے لیے ایک وکیل کا بھی بندوبست کر لے، اسے جیل جانے پر اعتراض نہیں ہونا چاہیے، وہ جو سلوک میری بیٹی کے ساتھ کرے گا میں اس کے ساتھ کروں گا۔ آخری ضابطے میں شاہ رخ خان کا کہنا تھا کہ وہ شخص یہ بھی جان لے کہ میری بیٹی میری شہزادی ہے اس کی جیت نہیں ہے۔
تاہم کچھ عرصے بعد شاہ رخ خان نے اس بیان کی تردید کردی تھی، اور کہا تھا کہ انھوں نے ایسا کوئی بیان نہیں دیا۔ بالی ووڈ اسٹار کا یہ بھی کہنا تھا کہ یہ سب جھوٹ پرمبنی ہے، کیونکہ جب بھی میری بیٹی کسی کو پسند کرے گی تو میں کچھ نہیں کہوں گا بلکہ اس شخص کو قبول کر لوں گا۔