ممبئی: شاہ رخ خان او ٹی ٹی کی دنیا میں داخل ہو رہے ہیں۔ اس بار وہ کسی فلم یا سیریز کے ساتھ نہیں آرہے ہیں بلکہ انھوں نے اپنااوٹی ٹی پلیٹ فارم ایس آر کے پلس شروع کرنے کا اشارہ دیا ہے۔
شاہ رخ خان نے اپنے سوشل میڈیا اکاؤنٹ پر یہ معلومات دی ہیں۔ شاہ رخ خان نے اس اعلان کے ساتھ اپنی تصویر شیئر کی ہے اور اپنے اوٹی ٹی پلیٹ فارم کا لوگو بھی جاری کیا ہے۔
حالانکہ انھوں نے اپنی طرف سے ابھی تک کچھ واضح طور پرنہیں کہا لیکن اس راز کا انکشاف سلمان خان نے اپنی ٹویٹ میں کیا۔
Aaj ki party teri taraf se @iamsrk. Congrats on your new OTT app, SRK+ https://t.co/MdrBzqpkyD
— Salman Khan (@BeingSalmanKhan) March 15, 2022
اس طرح کنگ خان اب اپنی او ٹی ٹی ایپ کے ذریعے دھوم مچانے کے لیے تیار ہیں اور اس پر مداحوں کی جانب سے کافی ردعمل سامنے آرہا ہے۔
اس معلومات کو شیئر کرتے ہوئے شاہ رخ خان نے لکھا، 'او ٹی ٹی کی دنیا میں کچھ ہونے والا ہے'۔ اس طرح اس بات کا اشارہ ہے کہ وہ ایک نیااوٹی ٹی پلیٹ فارم لانچ کرنے جا رہے ہیں۔
ان کے مداح اس پر تبصرے کر رہے ہیں اور کہہ رہے ہیں کہ 'کوئی پکچرتو نکالو میاں بھائی'۔ تو وہاں ایک مداح نے لکھا کہ 'کنگ خان اب او ٹی ٹی پر بھی راج کریں گے۔'
ایک اور مداح نے لکھا ہے کہ 'کچھ نہیں طوفان آنے والا ہے۔' اس طرح شائقین کو ان کے پروجیکٹ کا بے صبری سے انتظار ہے۔
کام کے محاذ پر، شاہ رخ خان کی آنے والی فلم 'پٹھان' ہے۔ جس کی ایک جھلک کچھ عرصہ قبل جاری کی گئی تھی۔ جسے خوب پسند بھی کیا گیا۔ فلم میں ان کے ساتھ دیپیکا پڈوکون اور جان ابراہم بھی ہیں۔ اس طرح شائقین کو بھی اس فلم کا بے صبری سے انتظار ہے۔
شاہ رخ کے اس نئے پراجیکٹ کی مزید تفصیلات جاننے کے لیے مداح بہت بے چین نظر آرہے ہیں۔ ایک صارف نے بہت پرجوش انداز میں لکھا کہ’وہ اس پراجیکٹ کو دیکھنے کے لیے بہت بے صبری سے انتظار کررہی ہیں‘۔
صارف نے مزید لکھا کہ’اس سے بہتر اسٹریمنگ سروس کونسی ہوگی جوکہ آپ کے پسندیدہ اداکار، شخص، گرو اور انسپائریشن کے نام سے ہو‘۔
