ممبئی : بالی ووڈ کے سپر سٹار سلمان خان نے مقبول فلم بجرنگی بھائی جان کے سیکوئل کا اعلان کیا ہے۔
سلمان خان حال ہی میں ریاض سیزن سے واپس آئے ہیں جس کے بعد انہوں نے ممبئی میں ہونے والے ایک ایونٹ میں بجرنگی بھائی جان ٹو کا اعلان کیا ہے۔
سلمان خان نے بجرنگی بھائی جان ٹو کا اعلان 19 دسمبر کو ممبئی میں ہونے والے آر آر ایونٹ میں عالیہ بھٹ، رام چرن اور دیگر اہم شخصیات کی موجودگی میں کیا۔
فلم کے رائٹر راجہ ماؤلی کے والد ویجیندرہ پرساد بھی سلمان خان کے ہمراہ اس موقع پر موجود تھے۔
بجرنگی بھائی جان کے مداحوں کو فلم کے سیکوئل کی خبر ملتے ہی سوشل میڈیا ٹائم لائنز پر خوشی کا اظہار کرتے نظر آرہے ہیں جبکہ کچھ صارفین فلم آنے سے قبل ہی باکس آفس کے تمام ریکارڈ ٹوٹنے کی پیش گوئی کر رہے ہیں۔
ٹوئٹر صارف احتشام رضا بجرنگی بھائی جان ٹو کے حوالے سے لکھتے ہیں کہ ’میگا سٹار سلمان خان نے ممبئی میں ہونے والے پری ریلیز ایونٹ میں بجرنگی بھائی جان کے سیکوئل کا خود اعلان کیا ہے۔
۔ انہوں نے اس فلم کے حوالے سے سوشل میڈیا پر بننے والے ٹرینڈز کے بارے میں لکھا ہے کہ ’انڈیا میں کل سے بجرنگی بھائی جان ٹو کا ٹیگ ٹرینڈ کر رہا ہے۔ انڈین سنیما میں سب سے زیادہ پسند کی جانے والی فلم دوبارہ آ رہی ہے۔‘
سوشل میڈیا صارف سنیہا راجپوت نے بجرنگی بھائی جان کے سیکوئل کے حوالے سے لکھا کہ ’باکس آفس کے تمام ریکارڈ ٹوٹیں گے۔‘
Megastar #SalmanKhan himself officially announced the sequel of #BajrangiBhaijaan in RRR pre-release event in Mumbai.
— Ehtesham raza (@ERB786) December 20, 2021
The tag #BajrangiBhaijaan2 has been trending in India since yesterday. The return of one of the most loved movies of Indian Cinema. @BeingSalmanKhan pic.twitter.com/TiZGXSf80a
جہاں سوشل میڈیا صارف نے فلم کے حوالے سے اپنے خیالات کا اظہار کیا وہیں کچھ صارفین نے بجرنگی بھائی جان ٹو میں پاکستان کے معروف گلوکار عاطف اسلم کے گانا گانے کی بھی پیش گوئی کی ہے۔
ٹوئٹر صارف تنویر خان لکھتے ہیں کہ ’ آپ خوش ہیں کیوں کہ بجرنگی بھائی جان ٹو کا اعلان ہوا ہے۔ مگر ہم اس لیے خوش ہیں کہ عاطف اسلم کا سلمان خان کی جانب سے ایک اور گانا کنفرم ہوگیا ہے۔‘
یاد رہے بجرنگی بھائی جان فلم 2015 میں ریلیز ہوئی تھی جسے پاکستان اور انڈیا میں یکساں مقبولیت حاصل ہوئی تھی۔