ممبئی/ آواز دی وائس

سینئر اسکرپٹ رائٹر اور فلم ساز سلیم خان نے حال ہی میں اپنے بیٹے سلمان خان کے ساتھ تعلقات اور اُن کے درمیان جذباتی رشتے کے بارے میں بات کی۔ سلیم خان نے کہا کہ وہ سلمان کا بہت ساتھ دیتے ہیں، لیکن جب سلمان کوئی ایسی بات کرتے ہیں جو انہیں ناپسند ہو، تو وہ مہینوں تک ان سے بات نہیں کرتے۔

مہینوں بات نہیں کرتے: سلیم خان

سلیم خان نے پروگرام میں بات کرتے ہوئے کہا کہ ہاں، ایسا کئی بار ہوا ہے۔ اگر وہ کچھ ایسا کرتا ہے جو مجھے پسند نہیں آتا یا مجھے لگتا ہے کہ اس نے غلطی کی ہے، تو میں اس سے بات نہیں کرتا۔ جب ہمارے درمیان خاموشی ہوتی ہے، اور میں کھڑکی کے پاس بیٹھا ہوتا ہوں، تو وہ مجھے نظر انداز کرتے ہوئے دیوار کے ساتھ سے نکل جاتا ہے۔ وہ مجھ سے ملے بغیر ہی گھر سے باہر چلا جاتا۔ تاہم، بعد میں وہ واپس آ کر معافی مانگتا ہے اور کہتا ہے، 'معاف کرنا، جو میں نے کیا وہ صحیح نہیں تھا۔

کامیاب ہونے کے بعد بھی انسانیت نہ چھوڑنا ضروری ہے

سلیم خان نے مزید کہا کہ میں نے ایک بات نوٹ کی ہے کہ جب کوئی انسان زندگی میں کامیاب ہو جاتا ہے، تو وہ یہ بھول جاتا ہے کہ اچھا انسان کیسے بنا جاتا ہے۔ جب کوئی کرکٹر مشہور ہو جاتا ہے، تو وہ صرف اپنے کھیل پر توجہ دیتا ہے اور باقی چیزوں کو نظر انداز کرتا ہے۔

شروع سے بچوں کے دوست بننا چاہتے تھے: سلیم خان

اپنے والد کے ساتھ تعلقات پر بات کرتے ہوئے سلیم خان نے کہا کہ ان کے والد سے ان کا رشتہ دوستانہ نہیں تھا جیسا کہ ان کا اور سلمان کا ہے۔ انہوں نے کہا کہ جب بھی میں اپنے والد کے چمڑے کے جوتوں کی آواز سنتا، تو میں ڈر جاتا تھا۔ میں نہیں چاہتا تھا کہ میرے بچے بھی مجھ سے ایسے ہی ڈریں۔ میں چاہتا تھا کہ میرے بچے میرے دوست بنیں، اور اسی لیے میں نے ہمیشہ ایک دوستانہ رشتہ قائم رکھنے کی کوشش کی۔

سلیم خان نے 1981 میں ہیلیَن سے دوسری شادی کی

سلیم خان اکثر سلمان خان کی فلموں کی شوٹنگ یا ٹریلر لانچ ایونٹس میں نظر آتے ہیں۔ حال ہی میں وہ سلمان خان کی فلم "سکندر" کے ٹریلر لانچ پر بھی موجود تھے۔ سلیم خان کی پہلی بیوی سلمیٰ خان سے ان کے تین بیٹے ہیں — سلمان، سہیل اور ارباز — جبکہ ایک بیٹی علویرا خان اگنی ہوتری ہے۔ سال 1981 میں انہوں نے اداکارہ ہیلیَن سے دوسری شادی کی تھی۔

فلم "سکندر" 30 مارچ کو ریلیز ہوئی

فلم "سکندر" میں سلمان خان اور رشميکا مندنا کے علاوہ کاجل اگروال، ستیہ راج، سنیل شیٹی، شرمن جوشی اور پرتیک ببر بھی نظر آئے۔ اس فلم کے ڈائریکٹر اے۔ آر۔ مروگداس ہیں، اور پروڈیوسر ساجد ناڈیاڈوالا ہیں۔