منصور الدین فریدی/  آواز دی وائس

 یہ بہت تاریخی اور یادگار موقع ہے ہندوستان اور انڈونیشیا نہ صرف دہشت گردی  کے خلاف متحد ہیں بلکہ تہذیبی اور ثقافتی  تبادلے کے لئے بھی سرگرم ہو گئے ہیں - میں نے انڈونیشیا کے علماء کے ساتھ بات چیت کے دوران اس بات کو واضح کیا کہ ہندوستان کا دستور دنیا کے لیے ایک بہترین نمونہ ہے  جس میں ہر قسم کی آزادی بشمول مذہبی بھی شامل ہے جبکہ  مجھے ایک مسلمان کی حیثیت سے ہندوستانی ہونے پر فخر ہے -

آواز دی وائس سے بات کرتے ہوئے  آل انڈیا صوفی  سجادہ نشین کونسل کے چیئرمین اور اور درگاہ اجمیر شریف کے  جانشین سجادہ نشین نصیر الدین چشتی نے کہا کہ ہم نے انڈونیشیائی وفد کو بتایا کہ ہندوستانی مسلمان مکمل مذہبی آزادی کے ساتھ زندگی بسر کر رہے ہیں اور جو نوجوان گمراہ ہوئے ہیں یا جنہیں غلط راستے پر ڈالا گیا ہے، اس کے پیچھے ملک دشمن طاقت ہیں- جب کہ یہ ہماری یعنی مذہبی اور روحانی قیادت کی ذمہ داری ہے کہ ایسے گمراہ نوجوانوں کو راہ راست پر  لائیں۔ 

نصیر الدین چشتی نے مزید کہا کہ کہ اس ملاقات کے دوران میں نے انڈونیشیا کے وقت کو بتایا کہ مذہبی آزادی اور رواداری بہت اہم ہیں۔ ان دو عناصر کا اتحاد ایک بہتر دنیا کو جنم دیتا ہے۔ مذہبی تعلیمات اور عقائد پوری دنیا کے لوگوں کی اقدار، اعمال، انتخاب اور خیالات کو متاثر کرتے ہیں۔ اپنی مذہبی سرگرمیوں پر عمل کرنے کی آزادی صرف مذہب سے حاصل نہیں ہو سکتی، یہ خود لوگوں کی طرف سے آنی چاہیے۔

انہوں نے مزید کہا کہ کسی ملک کی مرکزی اتھارٹی میں مذہبی تنظیموں کا ہونا ضروری ہے کیونکہ یہ تنظیمیں لوگوں میں امن کو فروغ دینے میں مثبت کردار ادا کرتی ہیں۔ دنیا بھر میں، ہم مذہبی آزادی کو بہت زیادہ چیلنجز دیکھتے ہیں، ہم ایسے مرد اور خواتین کو بھی دیکھتے ہیں جو اپنے حقوق کے لیے اور دوسروں کے حقوق کے لیے کھڑے ہونے کے لیے، بعض اوقات اپنے لیے بڑی قیمت پر تیار ہوتے ہیں۔

نصیر الدین چشتی نے کہا کہ میرا سوال یہ ہے کہ ایک شخص کو اپنے حقوق کے لیے کھڑے ہونے کے لیے اپنی حدود سے تجاوز کیوں کرنا پڑتا ہے؟ ہم ایک تنظیم کے طور پر ایک بہتر دنیا بنا سکتے ہیں جہاں آزادی اظہار کو آسان بنایا جائے۔ ہم آہنگی بین المذاہب اتحاد، رواداری اور قبولیت پر زور ہو -

میں نے پورے ملک میں بے شمار بین المذاہب اجلاس منعقد کیے ہیں۔ میرا تجربہ بتاتا ہے کہ نہ صرف مختلف مذاہب کے مذہبی رہنما بلکہ عام لوگ بھی رضاکارانہ طور پر ان ملاقاتوں کے پیغام کو قبول کرنے کے لیے آگے آ رہے ہیں۔

اس لیے میرا ماننا ہے کہ حکومت، مذہبی تنظیموں کو آسان طریقہ سے فعال کرنے کے لیے اور ذیلی تنظیموں کو ہاتھ ملانا چاہیے۔

تعلیمی مراکز کو اپنے نصاب میں مذہبی رواداری کا موضوع ضرور شامل کرنا چاہیے۔ ہمارے مختلف تہواروں میں مذہبی سربراہوں کا ملن ہونا چایے بلکہ ان سادہ اصولوں پر عمل کرتے ہوئے مرد اورعورت دونوں کے ثقافتی حقوق کو پامال نہیں کیا جانا چاہیے اور کسی تعلیمی، کام یا سماجی مقام سے ان پر سوال نہیں اٹھانا چاہیے۔ ہم لوگوں کی آنکھوں پر خاص طور پر مذہبی رواداری کی عینک ڈال سکتے ہیں۔