یہ امر قابل افتخار ہے کہ شعبہ کیمیا،جامعہ ملیہ اسلامیہ کے حال ہی میں پی ایچ ڈی سے سرفراز پانچ رسرچ اسکالروں کا مختلف یونیورسٹیوں میں بطور اسسٹنٹ پروفیسر تقرر ہواہے۔دہلی یونیورسٹی کے رام جس کالج میں تین طلبا کا مستقل بنیاد پر بطور اسسٹنٹ پروفیسر تقرری عمل میں آئی ہے:ڈاکٹر شرف الہی صدیقی،جنھوں نے پروفیسر سیف علی چودھری کے زیر نگرانی اپنی پی ایچ ڈی جمع کی ہے،ڈاکٹر منیش رانا جنھوں نے ڈاکٹر رہیس الدین کی نگرانی میں پی ایچ ڈی مکمل کی ہے اور ڈاکٹر سوچی ورما جنھوں نے پروفیسر کشور سلیم کی نگرانی میں اپنی پی ایچ ڈی مکمل کی ہے۔
ڈاکٹر اتل شرما جنھوں نے پروفیسر سیف علی چودھری کی نگرانی میں پی ایچ ڈی کی ہے انھوں نے ہریانہ کی گروگرام یونیورسٹی میں بطور اسسٹنٹ پروفیسر جوائن کیاہے۔
صدر شعبہ کیمیا،جامعہ ملیہ اسلامیہ پروفیسر ناہید نشاط کی زیر نگرانی پی ایچ ڈی کا کام جمع کرنے والے ڈاکٹر عبد الرحمان محمد نے ہدی یونیورسٹی،گوساؤ،نائجیریا کے فیکلٹی آف سائنس اینڈ کمپوٹنگ کے شعبہ پٹرولیم کیمسٹری میں بطور سینئر لیکچرر جوائن کیاہے۔
ڈاکٹر سہیل احمدجنھوں نے پروفیسر صاعقہ اکرام کی نگرانی میں پی ایچ ڈی مکمل ہے انھوں نے یو ایف ایل ای ایکس لمٹیڈ کیمکل ڈیوژن سیکٹر۔ستاون نوئیڈا میں بطور آر اینڈ ڈی اہل کار جوائن کیاہے۔
پروفیسر نجمہ،شیخ الجامعہ،جامعہ ملیہ اسلامیہ جملہ منتخب طلبا کو اوران کے پی ایچ ڈی کے نگراں کو مبارک باد د ی ہے۔انھوں نے تمام کامیاب طلبا کے تئیں ان کے مستقبل کے لیے نیک خواہشات کابھی اظہار کیاہے۔
صدر شعبہ کیمیا،جامعہ ملیہ اسلامیہ،پروفیسر ناہید نشاط نے بھی نئے تقررشدہ طلبا کو مبارک باد دی ہے اور شیخ الجامعہ کا ان کے بھرپور تعاون کے لیے شکریہ ادا کیا ہے۔
