ترپتی ناتھ: نئی دہلی

اقرار احمد، ایک درزی ہیں اور ان کا تعلق اتر پردیش سے ہے۔ ان کی عمر صرف دس سال تھی جب وہ روزی کمانے کے لیے 1986 میں دہلی آئے۔ انہیں جنوبی دہلی کے نیتی باغ بازار میں ایک چھوٹی سی دکان خریدنے کے قابل ہونے میں دو دہائیوں سے زیادہ کی محنت اور لگن لگی۔ اقرار کو تب پڑوسی دکانداروں کی طرف سے سخت مزاحمت کا سامنا کرنا پڑا جب 2008 میں انہیں چھوٹی ڈی ڈی اے مارکیٹ میں 36 مربع فٹ کی دکان خریدنے کے لیے اپنی تمام بچت جمع کرنے کا فیصلہ کیا۔

گری راج گری (آر ایس ایس کارکن) جن کی وہاں الیکٹریشن کی دکان ہے، ان کی مدد کے بغیر اقرار خود انحصاری کا اپنا خواب پورا نہیں کر پاتے۔ گری راج اور اقرار بھائیوں کی طرح ہیں اور ایک مثالی بندھن میں بندھے ہوئے ہیں۔ ان کی دوستی خالص ہے اور معاشرے کے لیے ایک مثال ہے کہ مذہبی اتحاد، سماجی ہم آہنگی اور مضبوط ملک کی کنجی ہے۔

گری راج ہر دیوالی پر اقرار کے لیے مٹھائی لاتے ہیں اور اقرار انہیں عید پر سیویاں کھلاتے ہیں۔ اس دیوالی پر، اقرار نے احتیاط سے گری راج کے لیے بہترین لباس کا انتخاب کیا اور ان کے لیے گلابی ریشمی کرتہ سلا۔ دیوالی سے کچھ دن پہلے، اقرار نے کرتہ کو اچھی طرح لپیٹا اور ہاتھ سے بنایا ہوا تحفہ چند قدم کے فاصلے پر اس کی دکان پر لے جاکر دیا۔

گری راج واقعی ان کے تحفے سے متاثر ہوئے اور انہوں نے دیوالی پر کُرتا پہنا، اقرار نے تہوار کے دوران اپنے واٹس ایپ ڈی پی (ڈسپلے پکچر) کے طور پر اپنے دوست کی تصویر کرتے میں ڈال کر ان کی دوستی کا جشن منایا۔ اقرار جو خود کو مکمل طور پر ان پڑھ بتاتے ہیں، دہلی کے سب سے زیادہ مطلوب درزیوں میں سے ایک ہیں۔ وہ ایک پیاری مسکراہٹ کے ساتھ اپنے گاہکوں کا استقبال کرتے ہیں۔

وہ بتاتے ہیں کہ انہوں نے بزرگ لوگوں اور اچھے گاہکوں کی صحبت میں سماجی اخلاقیات سیکھا۔ اقرار 2019 میں اپنی والدہ کے ساتھ حج پر گئے تھے۔ انہوں نے اللہ کا شکر ادا کیا جس نے نیک لوگوں سے ملنے میں مدد کی۔

انہوں نے کہا کہ خدا نے مجھے لاجواب لوگون سے ملوایا۔ ہم نے کبھی تصوّر بھی نہیں کیا تھا کہ ایسا ہوگا۔‘‘

سیتا پور کا بلوا بہادر پور گاؤں جوآم کے درختوں کی کثرت کے لئے جانا جاتا ہے،اقرار کا وطن ہے۔انہوں نے بہت کم عمری میں ہی اپنے خاندان کو مالی مشکلات سے لڑتے دیکھا۔ آٹھ بہن بھائیوں میں چوتھے،اقرار کبھی درسگاہ تک نہیں جا سکے۔

انہوں نے بتایا کہ میں صرف 20 سال کا تھا جب میں نے اپنے والد کو کھویا۔ میرے خاندان کو واقعی بقا کے لیے جدوجہد کرنی پڑی۔ اپنے گاؤں میں، میں دوسرے بچوں کی طرح اسکول جانے کی خواہش کرتا تھا اور گاؤں کا اسکول دیکھنے بھی جاتا تھا لیکن قدم رکھنے کی ہمت نہیں کی تھی۔‘‘

اقرار کی بڑی بہن شہناز نے انہیں دہلی آنے پر آمادہ کیا۔ انہوں نے بتایا کہ "میری بہن اور بہنوئی دونوں نے مجھے جامعہ نگر میں اپنے گھر میں بہت آرام دہ محسوس کرایا لیکن مجھے واقعی گھر کی کمی محسوس ہوئی۔ میں گھر واپس اپنی ماں کے بارے میں سوچ کر چھپ کر روتا تھا۔ شہناز اپی مجھ سے بہت پیار کرتی تھیں لیکن میں اپنی ماں کی جدائی برداشت نہیں کر سکتا تھا۔

میں لوگوں سے کہتا کہ وہ میری والدہ کو پوسٹ کارڈ لکھیں۔ میری بہن کے پانچ بچے تھے۔ وہ سب اسکول گئے۔ میں واقعی ان سے پیار کرتا تھا اور ان کی دیکھ بھال کرنے کی پیشکش پر خوش تھا۔ میں نے بھی اسکول جانا چاہا لیکن مجھے اپنے خاندانی حالات کی یاد آئی۔ اپنے گاؤں گھر جانا ایک عیش و آرام کی بات تھی اور میں دو سال میں صرف ایک بار اپنی ماں سے ملنے کا متحمل ہو سکتا تھا۔ میں اپنے حالات کو بہتر بنانے کے لیے پرعزم تھا۔

اقرار نے 1992 تک چھ سال تک اپنی بہن کے ساتھ رہے۔ اس عرصے کے دوران انہوں نے اپنے بہنوئی محبوب علی سے سلائی سیکھی۔ بعد ازاں وہ اپنے کزن بہنوئی انیس احمد کے ساتھ شامل ہو گئے جو ڈیفنس کالونی میں ایک بوتیک میں کام کرتے تھے۔ وہاں چار سال کام کرنے کے بعد اقرار نے ساؤتھ ایکسٹینشن کے ایک بوتیک میں کپڑے ڈیزائن کرنا شروع کر دیا۔

ایک کڑھائی کرنے والا دوست جو بعد میں لیبر کورٹ کا وکیل بنا، اس کا تعارف نیتی باغ کے بازار میں کرایا۔ اقرار نے بتایا کہ "پانچ سال تک، میں نے گل مہر پارک میں ایک بوتیک کی مالکن کے ساتھ کام کیا۔ اس کے شوہر مہیش اگروال ایک وکیل تھے اور انہیں میرا کام اتنا پسند آیا کہ انہوں نے مجھے یہاں اپنی دکان مفت استعمال کرنے کی اجازت دی۔ ''

اسی دوران اقرار کی گری راج سے ملاقات ہوئی جس نے اسے دکان خریدنے پر آمادہ کیا۔ اقرار گری راج کو اپنا بڑا بھائی سمجھتا ہے اور صحیح سرمایہ کاری کرنے اور اس کے شانہ بشانہ کھڑے ہونے کے لیے اس کا کا شکریہ ادا کرنے سے قاصر ہے۔گری راج نے تب مدد کی تھی جب دوسرے دکاندار اس کی مخالفت کر رہے تھے۔ "

اقرار نے کہا کہ گری راج بہت سیکولر ہے اور لوگوں کی مدد کے لیے ہمیشہ تیار رہتا ہے، چاہے وہ کسی بھی مذہب کی پیروی کریں۔ جب میں نے دکان خریدی تو اس نے میری دکان میں تمام کیبل کا کام رضاکارانہ طور پر کیا اور ایک پیسہ بھی لینے سے انکار کردیا۔‘‘

اقرار ایک خدا ترس آدمی ہیں اور خدا کے فضل پر پختہ یقین رکھتے ہیں۔ وہ اپنے آپ کو خوش قسمت سمجھتے ہیں کہ ہمیشہ مسجد کے قریب رہتے ہیں اور ہر صبح اذان کے ساتھ بیدار ہوتے ہیں۔ ایک دیندار مسلمان کی طرح وہ دن میں پانچ بار نماز اداکرتے ہیں۔ جس چیز نے انہیں بہت زیادہ اطمینان بخشا وہ یہ ہے کہ وہ اپنی والدہ کو 2019 میں حج پر لے گئے اور 46 دن حرمین شریفین میں گزارا۔ انہوں نے بتایا کہ"وہاں جاکر روحانیت ملتی ہے اور لگتا ہے جیسے کسی اور دنیا میں آ گئے ہوں"۔

وہ 2013 سے ہر سال اپنی والدہ کے ساتھ حج پر جانے کے لیے درخواست دے رہے تھے اور آخرکار وہ کامیاب ہو گئے۔ اقرار کے دو بیٹے سرفراز احمد اور افسر احمدہیں اور ایک بیٹی آفرین ہے۔ انہوں نے اپنے بوتیک کا نام اے ڈی (آفرین ڈیزائن) اپنی 20 سالہ بیٹی آفرین کے نام پر رکھا ہے۔

اقرار نے کہا کہ ’’جس طرح ہمارے نبی صلی اللہ علیہ وسلم اپنی بیٹیوں سے بہت پیار کرتے تھے، میں بھی اپنی بیٹی سے بہت پیار کرتا ہوں۔‘‘۔

اقرار نے اس بات کو یقینی بنایا ہے کہ اس کے بچے اچھی تعلیم حاصل کریں۔ سرفراز گریجویٹ ہے، آفرین پوسٹ گریجویشن کے آخری سال میں ہے اور افسر ایم بی اے کی تیاری کر رہا ہے۔

نرم بولنے والا یہ درزی اے یو این ہیومن ویلفیئر سوسائٹی کے نام سے ایک این جی او چلانے کے لیے بھی وقت نکالتا ہے۔ اس کی سرگرمیوں میں ہر موسم سرما میں غریبوں میں کمبل تقسیم کرنا اور اسکول کے بچوں کو نوٹ بک تقسیم کرنا شامل ہے۔ جب این جی او کے ذریعے لوگوں کی مدد کرنے کی بات آتی ہے تو وہ اپنے نقطہ نظر میں کھلے ذہن کا حامل ہے۔

وہ کہتے ہیں کہ ’’میرا مقصد انسانوں کی مدد کرنا ہے نہ کہ مسلمان یا کسی اور سے ہے۔‘‘ اپنی میز اور مردوں، عورتوں اور بچوں کے بوتیک سٹائل کے لباس کے اسٹینڈ کے درمیان کھڑے، اقرار اکثر خاموشی سے کام کرتے ہیں، پیمائش کرتے ہیں، کپڑے کاٹتے ہیں اور تہہ خانے میں اپنے تین قابل اعتماد معاونین، نفیس خان، سلمان اور ساجد کو ہدایات دیتے ہیں۔

دکان صبح 11 بجے سے رات 8 بجے تک کھلی رہتی ہے۔ پورے ہفتے. اگرچہ ہر ماہ ان کی آمدنی میں اتار چڑھاؤ آتا ہے، ان کا کہنا ہے کہ اوسطاً، ہم دن میں تین سوٹ سلائی کرتے ہیں کیونکہ ہم معیاری کام پر توجہ دیتے ہیں۔ وہ وضاحت کرتے ہوئے آگے بڑھتے ہیں ، "اگر کام زیادہ ہوگا تو کام خراب ہوگا اور اگر کام خراب ہوگا تو نام خراب ہوگا۔

وہ وزراء، اداکاروں اور صحافیوں سمیت مشہور شخصیات کے پسندیدہ درزی ہیں۔ وزیر تجارت پیوش گوئل اور ان کی اہلیہ کا انحصار اقرار کی ٹیلرنگ پر ہے۔ برسوں کے دوران سابق وزیر داخلہ شیوراج پاٹل، کانگریس لیڈر طارق انور، سیاست دان اکبر احمد ڈمپی، سابق ہوم سکریٹری وی کے۔ دگل، ٹی وی میزبان مندرا بیدی کا خاندان، آنجہانی صحافی خوشونت سنگھ کی بہو، سابق کرکٹر محمد اظہرالدین اور آشیش نہرا کا خاندان بھی ان کا گاہک رہا ہے۔

تجربہ کار صحافی شوبھا سنگھ تقریباً چار سال سے اقرارکے ہاں جا کر اپنے کپڑے تیار کرا رہی ہیں۔ وہ کہتی ہیں کہ "اس کا کام بہت صاف ہے اور وہ ہمیشہ نمونوں کے ساتھ تیار رہتا ہے۔ جب بھی میں اقرار کے ڈیزائن کردہ کپڑے پہنتی ہوں، لوگ مجھ سے پوچھتے ہیں کہ انہیں کس نے سلا ہے اور میں انہیں ان کے حوالے کر کے خوش ہوں۔

اسی طرح اقرار کے پڑوسی وجے کھنڈوجا جو کہ اسٹیشنری کی دکان کے مالک ہیں کہتے ہیں، ’’میری بیوی نے ان سے شلوار قمیص سلویا ہے اور وہ ان کے کام سے بہت مطمئن ہے۔‘‘ کئی سالوں میں ڈی ڈی اے مارکیٹ میں کئی دکانیں بند ہو چکی ہیں۔ 39 دکانوں کے اس بازار میں اقرار واحد درزی ہے جسے مقامی لوگ اب بلیوں اور کتوں کی منڈی میں جانتے ہیں۔

یہاں بلیوں اور کتوں اور جانوروں کے ڈاکٹروں کی دکانیں ہیں اور کتوں کے لیے ایک بیکری ہے۔ رئیل اسٹیٹ، سٹیشنری، کتابیں، گروسری، ادویات اور مشروبات فروخت کرنے والی دکانیں صرف مٹھی بھر ہیں۔ واضح طور پر، اقرار نے ثابت کیا ہے کہ جو موزوں ہوتا ہے وہ زندہ رہتاہے۔