نئی دہلی/ آواز دی وائس
ہندوستان نے 2022 میں فلپائن کے ساتھ 375 ملین ڈالر کے معاہدے کے تحت جمعہ کو برہموس سپرسونک کروز میزائل فلپائن کے حوالے کیے ہیں۔ ہندوستانی فضائیہ نے فلپائن کی میرین کور کو ہتھیاروں کے نظام کی فراہمی کے لیے اپنا امریکی سی-17 گلوب ماسٹر ٹرانسپورٹ طیارہ بھیجا ہے۔ ہندوستان نے پہلی بار کسی ملک کو براہموس میزائل بھیجے ہیں۔
میزائلوں کے ساتھ براہموس سپرسونک کروز میزائل سسٹم کے زمینی نظام کی برآمد گزشتہ ماہ شروع ہوئی تھی۔ یہ پہلا موقع ہے جب ہندوستان کسی دوسرے ملک کو براہموس میزائل فراہم کر رہا ہے۔
فلپائن میزائل سسٹم کی فراہمی ایک ایسے وقت میں کر رہا ہے جب اس کے اور چین کے درمیان بحیرہ جنوبی چین میں متواتر جھڑپوں کی وجہ سے تناؤ بڑھ گیا ہے۔ کسی بھی خطرے سے بچنے کے لیے فلپائن اپنے ساحلی علاقوں میں براہموس میزائل سسٹم کی تین بیٹریاں تعینات کرے گا۔
میزائل پروگرام میں شریک ممالک کی جانب سے متعدد منظوریوں کے ساتھ یہ معاہدہ کیا گیا ہے۔
برہموس سپرسونک کروز میزائل ڈیفنس ریسرچ اینڈ ڈیولپمنٹ آرگنائزیشن اور روسی فیڈریشن کا مشترکہ منصوبہ ہے۔ اسے دنیا کے کامیاب ترین میزائل پروگراموں میں شمار کیا جاتا ہے۔ یہ عالمی سطح پر سب سے اہم اور تیز ترین اور درست ترین ہتھیار کے طور پر پہچانا جاتا ہے۔ برہموس نے ہندوستان کی دفاعی صلاحیتوں کو بڑھانے میں اہم کردار ادا کیا ہے۔ ہندوستانی فوج نے 2007 سے اپنے ہتھیاروں میں برہموس کی کئی رجمنٹیں شامل کیں۔
