ریاض: پچھلے دنوں ایک خبر نے عالم اسلام میں ہلچل پیدا کر دی تھی کہ سعودی عرب مس یونیورس مقابلے میں شریک ہوگا اس خبر کے بعد دنیا بھر میں الگ الگ آرا سامنے ارہی تھیں، کہیں خوشی تھی اور کہیں غم ایک بڑا طبقہ اس کے خلاف ناراضگی ظاہر کر رہا تھا لیکن اب ایک اور خبر آئی ہے --مس یونیورس آرگنائزیشن نے ایک بیان جاری کیا ہے جس میں ان خبروں کی تردید کی گئی ہے کہ اس سال مقابلے میں سعودی عرب کی نمائندگی کی جائے گی۔تنظیم نے کہا کہ "ہم واضح طور پر یہ بتانا چاہیں گے کہ سعودی عرب میں انتخاب کا کوئی عمل نہیں کیا گیا ہے، ایسے کوئی بھی دعوے جھوٹے اور گمراہ کن ہیں۔

 یہ بیان اس وقت سامنے آیا ہے جب ایک سعودی ماڈل رومی القحطانی نے سوشل میڈیا پر دعویٰ کیا تھا کہ وہ اس باوقار مقابلے میں مملکت کی نمائندگی کریں گی۔ القحطانی کی پوسٹ - جس میں ان کی سعودی پرچم تھامے ہوئے اور مس یونیورس پہننے کی تصاویر کے ساتھ شیئر کیا گیا تھا - فوری طور پر وائرل ہوگئی کیونکہ وہ تاج کے لیے مقابلہ کرنے والی پہلی سعودی خاتون ہوتی۔مس یونیورس آرگنائزیشن نے زور دے کر کہا کہ ممالک کی نمائندگی کے لیے مقابلہ کرنے والوں کا انتخاب ایک "سخت عمل" ہے۔