نئی دہلی: ہندوستان کی تجربہ کار کھلاڑی اور راجیہ سبھا کی نامزد رکن پی ٹی اوشا ہندوستانی اولمپک ایسوسی ایشن (آئی او اے) کے صدر کے عہدے کی واحد امیدوار ہونے کے ناطے 10 دسمبر کو ایسوسی ایشن کی پہلی خاتون صدر منتخب ہوں گی۔

 پیوولی ایکسپریس کے نام سے مشہور اوشا نے اتوار کو صدر کے عہدے کے لیے اپنی نامزدگی داخل کی، جبکہ ان کے دیگر 14 ساتھیوں نے مختلف عہدوں کے لیے اپنی امیدواری درج کرائی۔

دو ہفتے بعد ہونے والے آئی او اے انتخابات کے لیے نامزدگی داخل کرنے کی آخری تاریخ اتوار کو ختم ہو گئی۔ آئی او اے کے ریٹرننگ آفیسر امیش سنہا نے بتایا کہ 25 اور 26 نومبر کو کسی نے بھی کاغذات نامزدگی داخل نہیں کیے، جب کہ 27 تاریخ کو کل 24 افراد نے مختلف عہدوں کے لیے اپنی امیدواری پیش کی۔

 اوشا بہترین ہندوستانی ایتھلیٹوں میں سے ایک ہیں، جنہوں نے 1982 سے 1994 تک ایشین گیمز میں چار گولڈ سمیت 11 تمغے جیتے ہیں۔

انہوں نے 1986 کے سیول ایشین گیمز میں 200 میٹر، 400 میٹر، 400 میٹر ہارڈلز اور 4x400میٹر ریلے سمیت چار طلائی تمغے جیتے، جبکہ 100 میٹر میں چاندی کا تمغہ حاصل کیا۔

 اوشا نے 1982 نئی دہلی ایشین گیمز میں 100 میٹر اور 200 میٹر میں تمغے جیتے۔

 انہوں نے 1983 سے 1998 تک ایشین چیمپئن شپ میں مجموعی طور پر 100 میٹر، 200 میٹر، 400 میٹر ہارڈلز، 4x100میٹر ریلے میں 14 طلائی تمغے سمیت 23 تمغے جیتے تھے۔

مرکزی وزیر کرن رججو جی نے انہیں مبارک باد پیش کی ہے:

Congratulations to legendary Golden Girl, Smt. P T Usha on being elected as the President of Indian Olympic Association. I also congratulate all the sporting heroes of our country on becoming the office bearers of the prestigious IOA! Nation is proud of them ! pic.twitter.com/LSHHdmMy9H

— Kiren Rijiju (@KirenRijiju) November 27, 2022