نئی دہلی : چھ بار کی عالمی چیمپئن باکسر ایم سی میری کوم نے جمعہ کو پیرس اولمپکس کے لئے ہندوستان کے شیف ڈی مشن کے طور پر استعفیٰ دیتے ہوئے کہا کہ کچھ ذاتی وجوہات کی وجہ سے یہ فیصلہ کیا ہے۔ انڈین اولمپک ایسوسی ایشن  کے صدر پی ٹی اوشا نے اعلان کیا کہ میری کوم نے اپنے نام ایک خط میں اپنے عہدے سے فارغ ہونے کو کہا ہے۔

انہوں نے لکھا کہ میں اپنے ملک کی ہر طرح سے خدمت کرنا ایک اعزاز سمجھتی ہوں۔میں اس کے لیے ذہنی طور پر تیار تھی۔ تاہم مجھے افسوس ہے کہ میں اس باوقار ذمہ داری کو نبھانے کے قابل نہیں رہوں گی۔ذاتی وجوہات کی بنا پر استعفیٰ دینا چاہوں گی۔ 41 سالہ  میری کوم نے اوشا کو لکھے خط میں کہا کہ کسی عزم سے پیچھے ہٹنا شرمناک ہے، جو میں شاذ و نادر ہی کرتی ہوں۔ لیکن میرے پاس کوئی چارہ نہیں بچا۔ میں اپنے ملک اور اس اولمپک گیمز میں حصہ لینے والے کھلاڑیوں کو بڑی توقعات کے ساتھ خوش کرنے کے لیے حاضر ہوں۔

مشہور باکسر جنہوں نے 2012 کے لندن اولمپکس میں کانسہ  کا تمغہ جیتا تھا۔ 26 جولائی تا 11 اگست کے کھیلوں میں ملک کے دستے کا لاجسٹک انچارج بننا تھا۔