ثاقب سلیم

کیا آپ میری بات پر یقین کریں گے اگر میں آپ کو بتاؤں کہ علی گڑھ مسلم یونیورسٹی (اے ایم یو) کے اساتذہ نے 1962 کے انتخابات میں جواہر لال نہرو کی قیادت میں ایک مضبوط انڈین نیشنل کانگریس کو شکست دی؟ میں آپ کو یہ بتا کر مزید چونکا دوں گا کہ اے ایم یو میں اس سیاسی تحریک میں ہی بہوجن سماج پارٹی (بی ایس پی) کی بنیادوں کا پتہ لگایا جا سکتا ہے۔ طلبہ کی سیاست کے موضوع پر اکثر بحث ہوتی ہے لیکن اساتذہ کے کردار کو نظر انداز کیا جاتا ہے۔

ایک وجہ یہ ہو سکتی ہے کہ کالجوں اور یونیورسٹیوں کے اساتذہ کی شرکت شاذ و نادر ہی ہوتی ہے۔ کچھ مواقع ایسے ہیں جب ہندوستان میں ایک یونیورسٹی کے اساتذہ نے ایک سیاسی وجود کے طور پر الیکشن لڑا۔ 1962 میں اے ایم یو کے اساتذہ نے ہندوستان کی حکمران جماعت کو چیلنج کیاتھا۔ اکتوبر 1961 میں، علی گڑھ نے اس وقت تک اپنی تاریخ کے مہلک ترین ہندو مسلم فسادات کا مشاہدہ کیا۔ سرکاری اطلاعات کے مطابق فسادات کے دوران 15 افراد، تمام مسلمان، مارے گئے۔ غیر سرکاری ذرائع نے مرنے والوں کی تعداد 40 بتائی ہے۔ ایک ہجوم اے ایم یو کیمپس میں گھس گیا اور کیمپس کے آس پاس کی دکانوں کو بھی جلا دیا گیا۔

مغربی یوپی میں مرادآباد اور میرٹھ جیسے دیگر شہروں میں بھی ہندو مسلم تشدد کا اثر دیکھا گیا۔ کانگریس اتر پردیش (یوپی) میں حکومت کرنے کے ساتھ ساتھ مرکز میں حکومت کی سربراہی کر رہی تھی۔ یقیناً وزیر اعظم جواہر لعل نہرو اور وزیر اعلیٰ سی بی گپتا پر انگلیاں اٹھی تھیں۔ اے ایم یو کی لا فیکلٹی کے دو اساتذہ بی پی موریہ اور عبدالبشیر خان نے تحریک کی قیادت کی۔ بی پی موریہ اے ایم یو میں استاد ہونے کے علاوہ ایک دلت لیڈر تھے۔

ایک جلسہ میں تقریر کرتے ہوئے بی پی موریہ 

کرسٹوفر جیفری لوٹ لکھتے ہیں کہ وہ 1941 میں کانگریس میں شامل ہوئے، جب گاندھی اور دیگر رہنما کھیر کے دورے پر آئے تھے، لیکن دہلی میں اس کے فوراً بعد امبیڈکر سے ملاقات ہوئی، اور انھیں احساس ہوا کہ وہ اصل رہنما ہیں کیونکہ 'وہ ہمارے مسائل کو جانتے ہیں'... انہوں نے کانگریس سے استعفیٰ دے دیا اور 1948 میں ایس سی ایف میں شامل ہو گئے۔ وہ جلد ہی علی گڑھ واپس آئے اور علی گڑھ مسلم یونیورسٹی میں ایل ایس سی، ایل ایل بی اور ایل ایل ایم کی تعلیم مکمل کی جہاں وہ 1960 میں قانون کے اسسٹنٹ پروفیسر بن گئے۔ وہ اتر پردیش میں آر پی آئی کے مقبول لیڈر تھے۔ انہوں نے 1957 میں علی گڑھ لوک سبھا سیٹ سے الیکشن لڑا اور ہار گئے، لیکن 1962 میں جیت گئے۔

علی گڑھ ایک غیر ریزرو سیٹ تھی اور موریہ کو بالکل ٹھیک اس لیے منتخب کیا گیا تھا کہ انہوں نے ریزرو حلقوں میں کبھی بھی الیکشن نہ لڑنے کی بات کی تھی۔۔۔ 1960 کی دہائی کے آغاز میں، موریہ علی گڑھ ضلع کے جاٹوؤں کے آئیڈل بن چکے تھے۔ ان کی شہرت آس پاس کے علاقوں میں پھیل چکی تھی اور وہ قومی حیثیت کے حامل درج فہرست ذات کے سیاسی رہنما بننے کے راستے پر تھے۔ ڈاکٹر عبدالبشیر خان فسادات کے وقت اے ایم یو کے پراکٹر تھے۔

پال براس ان کے بارے میں لکھتے ہیں کہ ڈاکٹر عبدالبشیر خان، علی گڑھ مسلم یونیورسٹی میں قانون کے پروفیسر اور یونیورسٹی کی سیاست میں ایک گروپ کے رہنما جنہیں عام طور پر نام نہاد کمیونسٹ گروپ کے برخلاف "فرقہ پرست" گروپ کہا جاتا ہے۔ یہ کہنا کم طنزیہ ہوگا کہ ڈاکٹر عبدالبشیر ایک قدامت پسند تھے، ایک مسلمان کے طور پر اپنی شناخت سے وابستہ تھے، جو مسلم مفادات کے دفاع کے لیے کھڑے تھے، جنہیں انھوں نے اکتوبر کے فسادات سے خطرے میں دیکھا، جس کے دوران وہ یونیورسٹی کے پراکٹر تھے"۔

ایک کمیٹی بنائی گئی اور اے ایم یو کے اساتذہ پورے مغربی یوپی میں سیاست دانوں کی طرح گھومے۔ انہوں نے طلباء کی مدد سے کانگریس مخالف مہم شروع کی۔ بی پی موریہ پہلے ہی ریپبلکن پارٹی آف انڈیا کے رکن تھے۔ فیصلہ کیا گیا کہ آر پی آئی امیدواروں کی حمایت کی جائے گی۔ کچھ حلقوں میں دیگر امیدواروں، زیادہ تر آزاد، کو آر پی آئی کے ذریعے حمایت حاصل تھی۔ 1962 میں ہوئے ودھان سبھا اور لوک سبھا انتخابات میں آر پی آئی نے سب کو حیران کر دیا۔ پارٹی نے 3 لوک سبھا اور 8 ودھان سبھا سیٹیں جیتیں اور کئی سیٹیں ان کے اتحادیوں نے جیتیں۔ سیاسی سطح پر اپنی نوعیت کے پہلے دلت مسلم اتحاد میں بی پی موریہ نے ایک نعرہ دیا۔ "مسلم جاٹو بھائی بھائی، بیچ میں ہندو کہا سے آئی"۔

بی پی موریہ نے خود علی گڑھ لوک سبھا سیٹ سے کامیابی سے انتخاب لڑا۔ انہوں نے سیٹ جیتنے کے لیے 73,571 ووٹ ملے اور کانگریس کے امیدوار جرار حیدر کو تیسرے نمبر پر دھکیل دیا۔ عبدالبشیر خان نے آر پی آئی کے امیدوار کے طور پر علی گڑھ ودھان سبھا سیٹ سے کامیابی کے ساتھ مقابلہ کیا۔ انہوں نے کانگریس کے امیدوار اننت رام ورما کو بڑے فرق سے شکست دی۔ بشیر کو کل پولنگ ووٹوں میں سے 42.70فیصد ووٹ ملے جب کہ ورما کو 31.50فیصد ووٹ ملے۔ مسلم اکثریتی اور فسادات سے متاثرہ مرادآباد لوک سبھا نے تقریباً 12,000 ووٹوں کے فرق سے آر پی آئی کے مظفر کو واپس جتایا۔

ہاتھرس لوک سبھا سیٹ، جو اس وقت علی گڑھ ضلع کا ایک حصہ تھی،اس کو بھی آر پی آئی کے جوتی سروپ نے جیتی تھی۔ آر پی آئی نے امروہہ، بریلی، آگرہ، فیروز آباد اور مغربی یوپی میں دیگر مسلم اکثریتی لوک سبھا سیٹوں پر اچھی کارکردگی کا مظاہرہ کیا۔ آر پی آئی نے 1962 کے لوک سبھا انتخابات کے دوران یوپی میں پولنگ ووٹوں کا 4.26فیصد حاصل کیا اور اس نے 22 میں سے 3 سیٹوں پر کامیابی حاصل کی۔ دیگر حلقوں میں اس کے اتحادیوں نے کانگریس کی بالادستی کو چیلنج کیا۔

آر پی آئی نے امروہہ، بریلی، آگرہ، فیروز آباد اور مغربی یوپی میں دیگر مسلم اکثریتی لوک سبھا سیٹوں پر اچھی کارکردگی کا مظاہرہ کیا۔ آر پی آئی نے 1962 کے لوک سبھا انتخابات کے دوران یوپی میں پولنگ ووٹوں کا 4.26فیصد حاصل کیا اور اس نے 22 میں سے 3 سیٹوں پر کامیابی حاصل کی۔ دیگر حلقوں میں اس کے اتحادیوں نے کانگریس کی بالادستی کو چیلنج کیا۔ ودھان سبھا انتخابات میں آر پی آئی نے 123 سیٹوں پر مقابلہ کیا اور 12.32 فیصد ووٹ شیئر کے ساتھ 8 پر کامیابی حاصل کی۔ اس کی کامیابی مسلم اکثریتی مغربی یوپی میں ہوئی۔

بی پی موریہ

محمود حسن خان نے سنبھل جیتا، حلیم الدین نے مراد آباد شہر، پروشوتم لال بدھوار نے اوجھنی (بدایون)، بھگوان داس نے فیروز آباد، بنواری لال نے فتح آباد، کھیم چند نے آگرہ شہر، عبدالبشیر خان نے علی گڑھ، اور بھوپ سنگھ نے کوئیل جیتا۔ تقریباً، خطے کی ہر ودھان سبھا سیٹ پر آر پی آئی کے امیدوار یا تو فاتح رہے یا رنر اپ۔ کئی سیٹیں اتحادیوں نے جیتیں۔ مثال کے طور پر، علی گڑھ ضلع کی اگلاس ودھان سبھا سیٹ، ٹھاکر شیودھن سنگھ نے ایک آزادامیدوار کی حیثیت سے جیتی تھی، جنہی اے ایم یو۔آر پی آئی گروپ کی مکمل حمایت حاصل تھی۔

بی پی موریہ اور عبدالبشیر خان نے انتخابی نشان ہاتھی کے ساتھ آر پی آئی کی بنیاد رکھی، جسے بعد میں کانشی رام کی بی ایس پی نے اپنایا۔ مسلم جاٹو اتحاد نے بعد میں مغربی یوپی میں بی ایس پی کی سیاست میں اضافے کی راہ ہموار کی۔ اس انتخاب نے مغربی یوپی میں ایک سیاسی طاقت کے طور پر کانگریس کے تسلط کو بھی ختم کر دیا اور اس کے بعد وہ اس جھٹکے سے کبھی نہیں نکل سکی۔