نئی دہلی: آر جے ڈی سپریمو لالو پرساد یادو، جنہیں پہلے پارس اور پھر دہلی ایمس لایا گیا تھا، پٹنہ میں ان کی رہائش گاہ میں گرنے کے بعد ان کی صحت بہتر ہو رہی ہے۔ ان کے بچے مسلسل ان کی صحت سے متعلق معلومات سوشل میڈیا پلیٹ فارم کے ذریعے شیئر کر رہے ہیں۔

اسی سلسلے میں جمعہ کو میسا بھارتی نے بتایا کہ اب لالو یادو بستر سے اٹھنے کے قابل ہیں۔ وہ کسی مدد کے ساتھ، کھڑے ہونے کے قابل بھی ہوگئے ہیں۔

معلومات دینے کے ساتھ ہی میسا نے لالو کی تصویر شیئر کی ہے اور لوگوں سے اپیل کی ہے کہ وہ کسی بھی قسم کی گمراہ کن خبروں سے دور رہیں اور آر جے ڈی سپریمو کے لیے دعا کریں۔

आप सब की दुआओं और AIIMS दिल्ली की अच्छी चिकित्सीय देख-रेख से आदरणीय श्री लालू प्रसाद जी की तबियत में काफ़ी सुधार है। अब आपके लालू जी बिस्तर से उठकर बैठ पा रहे हैं। सहारा लेकर खड़े हो पा रहे हैं। हर मुसीबत से लड़कर बाहर आने की कला @laluprasadrjd जी से बेहतर कौन जानता है!

— Dr. Misa Bharti (@MisaBharti) July 8, 2022

میسا نے ٹویٹ کر کے لکھا، "آپ کی دعاؤں اور ایمس دہلی سے اچھی طبی امداد کی وجہ سے لالو پرساد کی صحت میں کافی بہتری آ رہی ہے۔ اب آپ کے لالو یادو بستر سے اٹھنے کے قابل ہیں، سہارے کے ساتھ کھڑے ہوسکتے ہیں۔ ان سے بہتر فن کون جانتا ہے، ہر مصیبت سے نکلنے کا۔

میسا نے مزید لکھا، "آپ کے حوصلے اور آپ کی دعاؤں کی بدولت ان کی حالت اب کافی بہتر ہے۔ برائے مہربانی افواہوں پر توجہ نہ دیں۔دعاؤں میں یاد رکھیں۔"

اس سے پہلے اپوزیشن لیڈر اور لالو کے چھوٹے بیٹے نے ٹویٹ کرکے اس کی معلومات شیئر کی تھیں۔ تیجسوی کی جانب سے کیے گئے ایک ٹویٹ میں کہا گیا،

"ہمارے قومی صدر اور میرے والد لالو پرساد کی صحت میں مسلسل بہتری آرہی ہے۔ وہ انتہائی طبی نگرانی میں ہیں اور ان کی حالت میں بتدریج بہتری آرہی ہے۔ تمام خیر خواہوں، حامیوں، کارکنوں اور اہل وطن سے گزارش ہے کہ کسی بھی گمراہ کن خبر سے پریشان نہ ہوں۔