What are the symptoms of food poisoning?

فوڈ پوائزننگ ایک عام صحت کا مسئلہ ہے جو آلودہ یا بیکٹیریا سے متاثرہ کھانا کھانے کی وجہ سے ہوتا ہے۔ اس میں کھانے کے ذریعے جسم میں نقصان دہ وائرس داخل ہو جاتے ہیں جو نظامِ ہاضمہ پر اثر انداز ہوتے ہیں۔

زیادہ تر معاملات میں یہ اس وقت ہوتا ہے جب کھانے کو صحیح طریقے سے نہیں پکایا جاتا، گندے ہاتھوں سے کھانا بنایا جاتا ہے یا پکا ہوا کھانا زیادہ دیر تک بغیر ڈھانپے رکھا جاتا ہے۔

فوڈ پوائزننگ کی صورت میں جسم میں کئی علامات ظاہر ہوتی ہیں جنہیں نظر انداز نہیں کرنا چاہیے۔

فوڈ پوائزننگ کی شروعات اکثر قے سے ہوتی ہے۔ جسم نقصان دہ عناصر کو باہر نکالنے کی کوشش کرتا ہے، جس کی وجہ سے بار بار قے آ سکتی ہے۔

نظامِ ہاضمہ متاثر ہونے سے پتلے دست یا بار بار واش روم جانے کی ضرورت محسوس ہو سکتی ہے۔ اس سے جسم میں پانی کی کمی ہو سکتی ہے۔

فوڈ پوائزننگ میں پیٹ میں مروڑ یا درد ہونا عام بات ہے۔ یہ درد کبھی ہلکا اور کبھی شدید بھی ہو سکتا ہے اور اکثر کھانے کے چند گھنٹوں بعد شروع ہوتا ہے۔

ہمیشہ تازہ اور اچھی طرح سے پکا ہوا کھانا کھائیں۔ سبزیوں کو اچھی طرح دھوئیں اور باہر کا کھانا کھاتے وقت صفائی کا خاص خیال رکھیں۔ کھانے سے پہلے ہاتھ دھونا بے حد ضروری ہے۔