24 May: Foundation Day of Aligarh Muslim University

ملک کے اہم تعلیمی اداروں میں شمار ہونے والی علیگڑھ مسلم یونیورسٹی (اے ایم یو) کی بنیاد 24 مئی 1920 کو رکھی گئی تھی۔

اس وقت کے عظیم سماجی مصلح سر سید احمد خان نے مسلمانوں کو جدید تعلیم دینے کی ضرورت محسوس کرتے ہوئے 1877 میں "محمڈن اینگلو اورینٹل کالج" کی بنیاد رکھی تھی۔

یہی کالج آگے چل کر 1920 میں علی گڑھ مسلم یونیورسٹی میں تبدیل ہوا۔ آزادی کے بعد یہ ملک کی چار مرکزی (سنٹرل) یونیورسٹیوں میں سے ایک تھا۔

اگر ہم یونیورسٹی کی تاریخ پر نظر ڈالیں تو پتا چلتا ہے کہ 1857 کی جنگ آزادی نے سر سید احمد خان پر گہرا اثر ڈالا تھا۔ اس جنگ میں ان کے کئی اہلِ خانہ انگریزوں کی گولیوں کا نشانہ بنے تھے۔

سر سید نے انگریزوں کو جدید تعلیم کے ہتھیار سے جواب دینے کا عزم کر لیا۔ وہ ایسٹ انڈیا کمپنی میں شامل ہوئے اور تعلیم کی اہمیت کو سمجھنے کے لیے 1870 میں انگلینڈ چلے گئے۔

وہاں انہوں نے آکسفورڈ اور کیمبرج جیسے دنیا کے مشہور اداروں کا دورہ کیا اور عہد کیا کہ ہندوستان میں بھی جدید تعلیم کی روشنی پھیلائیں گے۔ واپس آ کر انہوں نے علیگڑھ میں صرف سات طلبہ کے ساتھ ایک مدرسے کی بنیاد رکھی۔

رفتہ رفتہ طلبہ کی تعداد میں اضافہ ہوتا گیا اور 1877 میں اس ادارے کو وسعت دے کر "اینگلو اورینٹل کالج" بنایا گیا۔

یہی ادارہ آگے چل کر 1920 میں علیگڑھ مسلم یونیورسٹی بنا، جو آج دنیا بھر میں ایک معروف اور معتبر تعلیمی ادارے کے طور پر جانا جاتا ہے۔